ايماقتار • 09 ءساۋىر، 2020

كارانتيننەن كەيىنگى الماتىدا 26 مىڭ ادام جۇمىسپەن قامتىلادى

164 رەتكورسەتىلدى

بۇگىن الماتىدا پرەزيدەنتتىڭ «جۇمىسپەن قامتۋ جول كارتاسى» جوباسىن جۇزەگە اسىرۋ تۋرالى تاپسىرماسىنا بايلانىستى الماتى قالالىق الەۋمەتتىك ءال-اۋقات باسقارماسىنىڭ باسشىسى راحات شيماشەۆا، الماتى قالالىق كاسىپكەرلەر پالاتاسى ديرەكتورىنىڭ ورىنباسارى الىبەك اشمەتوۆ جانە قالاداعى حالىقتى جۇمىسپەن قامتۋ ورتالىعىنىڭ ديرەكتورى ديليارا يمانقۇلوۆا ونلاين بريفينگكە قاتىسىپ، باق وكىلدەرىنىڭ وسى ماسەلەگە قاتىستى ساۋالدارىنا جاۋاپ بەردى.

– قالا اكىمى باقىتجان ساعىنتاەۆتىڭ تاپسىرماسى بويىنشا ينفراقۇرىلىمدىق جوبالاردا جۇمىس ورىندارى قۇرىلاتىن بولادى. ايتا كەتۋ كەرەك، بۇل جۇمىستاردىڭ ىسكە اسىرىلۋى كارانتين كەزەڭىندە دە توقتاماعان ەدى.

بيىل «جۇمىسپەن قامتۋدىڭ جول كارتاسى» اياسىندا 214 جوبانى جۇزەگە اسىرۋ جوسپارلانۋدا. مۇندا 26 مىڭ جۇمىس ورنى اشىلادى. 

اتاپ ايتقاندا، 9 مەكتەپ، جۇمىس ىستەپ تۇرعان مەكتەپتەرگە قوسىمشا 13 قۇرىلىس نىسانىن سالۋ جانە 520 ورىنعا ارنالعان 3 بالاباقشانىڭ قۇرىلىسى باستالادى. 95 بالاباقشاعا جوندەۋ جۇمىستارى باستالادى. سونداي-اق №7 قالالىق اۋرۋحانانى تاعى 64 توسەك-ورىنعا كەڭەيتۋ جوسپارلانۋدا. 

بىرقاتار جوبالار ينجەنەرلىك-كولىك ينفراقۇرىلىمىن، تكش جەلىلەرىن كەڭەيتۋ مەن جاڭعىرتۋ، اۋماقتاردى اباتتاندىرۋ ماقساتىندا ىسكە اسىرىلاتىن بولادى. مىسالى، ناۋرىزباي اۋدانىندا سۋمەن جابدىقتاۋدىڭ جاڭا جەلىلەرىنىڭ قۇرىلىسى باستالادى. سونداي-اق الاتاۋ اۋدانىنىڭ ءتورت ىقشاماۋدانىندا جانە تۇركسىب اۋدانىنىڭ ءبىر ىقشاماۋدانىندا جول قۇرىلىسى باستالادى. 

بۇگىندە بارلىق اۋداندارداعى جولداردا ورتاشا جانە ۇساق جوندەۋ جۇمىستارى باستالدى. اتاپ ايتقاندا، 363 اۋلاعا كۇردەلى جوندەۋ جانە قوعامدىق ايماقتارعا اباتتاندىرۋ جۇمىستارى جۇرگىزىلەدى. 

«جۇمىسپەن قامتۋدىڭ جول كارتاسى» ىسكە اسىرىلعاننان كەيىن جاڭا نىسانداردىڭ قۇرىلىسى ەسەبىنەن 2045 جاڭا تۇراقتى جۇمىس ورىندارى اشىلادى، دەدى الماتى قالالىق الەۋمەتتىك ءال-اۋقات باسقارماسىنىڭ باسشىسى راحات شيماشەۆا.

سونداي-اق، بريفينگ بارىسىندا حالىقتى جۇمىسپەن قامتۋ ورتالىعىنىڭ ديرەكتورى ديليارا يمانقۇلوۆا قانداي مەكەمەلەر مەن كومپانيالاردا كارانتين كۇندەرىندە جۇمىسشىلار مەن قىزمەتكەرلەرگە سۇرانىس بار ەكەندىگىن اتادى.

قانداي دا ءبىر مۇددەلى سۇراقتار تۋىنداعان جاعدايدا الماتىداعى حالىقتى جۇمىسپەن قامتۋ ورتالىعىنىڭ تومەندەگى تەلەفوندارى مەن الەۋمەتتىك جەلىلەرىمەن بايلانىسۋعا بولادى:

تەلەفوندارى: +7 (727) 224-20-00، 221-66-11 

ەلەكتروندى پوشتا: centr_almaty@mail.ru

Telegram @enbek_almaty_bot

Instagram @centr_zanyatosti_almaty

Facebook @ cznalmaty

ۆ كونتاكتە @centr_zaniyatosti_almaty

Twitter @ CZN_ALMATY

 

 

الماتى

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار