ايماقتار • 09 ءساۋىر، 2020

باتىس قازاقستان: ءبىر ادام جازىلىپ، ەكى ادام اۋىردى

229 رەتكورسەتىلدى

باتىس قازاقستان وبلىسىندا كوروناۆيرۋس دەرتىنە شالدىققان تاعى ەكى ادام انىقتالىپ، سىرقاتتىڭ سانى 4-كە جەتتى.

وڭىردەگى ەپيدەميولوگيالىق احۋال تۋرالى جەدەل بريفينگ وتكىزگەن باتىس قازاقستان وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى مۇحامعالي ارىسپاەۆ 9 ءساۋىر كۇنى كوروناۆيرۋسپەن اۋىرعان تاعى 2 ادام تىركەلگەنىن حابارلادى.

- ول ەكى ادام – وزبەكستان ازاماتتارى، بىرەۋى – 34، بىرەۋى – 37 جاستا، حالىقارالىق جۇك تاسىمالىمەن اينالىساتىن جۇك كولىگىنىڭ جۇرگىزۋشىلەرى. ماسكەۋ قالاسىنان شىعىپ، 8 ءساۋىر كۇنى سامارا وبلىسى ارقىلى قازاقستاننىڭ سىرىم شەكارا بەكەتىنە كەلگەن. سول جەردە ساۋالناما تولتىرۋ كەزىندە جۇرگىزۋشىنىڭ بىرەۋىنەن اۋرۋ بەلگىسى بايقالعان. ياعني دەنە قىزۋى 38 گرادۋسقا كوتەرىلگەن. سول جەردە «جەدەل جاردەم» شاقىرىلىپ، ەكى ادام كۋمىسكا ەلدىمەكەنىندەگى پروۆيزورلىق اۋرۋحاناعا جەتكىزىلدى. سول جەردە ولاردىڭ مۇرىنى مەن جۇتقىنشاعىنان سىناما الىنىپ، لابوروتوريالىق تەكسەرىستەن كەيىن ەكەۋىنەن دە كوروناۆيرۋس انىقتالدى، - دەدى مۇحامعالي ارىسپاەۆ.

مۇحامعالي قايىرجان ۇلىنىڭ ايتۋىنشا، قازاقستاننىڭ رەسەي فەدەراتسياسىمەن اراداعى وتكىزۋ بەكەتتەرىندە سانيتارلىق-كارانتيندىك پۋنكتتەر، ونداعى ەپيدەميولوگ دارىگەرلەر كۇشەيتىلگەن ساقتىق رەجىمىمەن قىزمەت ەتۋدە. «سىرقات جانداردىڭ شەكارادا انىقتالىپ، ەل ىشىنە كىرمەۋى، بىردەن وقشاۋلانۋى مامانداردىڭ قىراعىلىعىنىڭ ارقاسى» دەدى وبلىستىڭ باس سانيتار دارىگەرى.

باتىس قازاقستان وبلىستىق دەنساۋلىق ساقتاۋ باسقارماسىنىڭ باسشىسى بولاتبەك قايۋپوۆتىڭ ايتۋىنشا، ناۋرىزدىڭ 29-ى كۇنى سىرقاتى انىقتالعان ناۋقاستىڭ ءبىرىنىڭ جاعدايى ءتاۋىر، جاقىن ارادا ۇيىنە شىعارىلماق. ء«بىز ەكى مارتە تەكسەرۋ ءاناليزىن وتكىزدىك، ەكەۋىندە دە جاقسى ناتيجە كورسەتتى. ءبىز ول ناۋقاستى ۇيىنە شىعارامىز، ازىرگە ۇيىنەن ەمدەلىپ، وقشاۋلانۋىن جالعاستىرادى» دەدى بولاتبەك امانگەلدى ۇلى.

ءدال بۇگىن باتىس قازاقستان وبلىسىنىڭ پروۆيزورلىق ستاتسيونارلارىندا 97 ادام جاتىر، ال 3608 ادام ءوز ۇيىندە وقشاۋلانۋ جاعدايىندا وتىر. ولاردىڭ بارىنە ءبىزدىڭ دارىگەرلەر كۇن سايىن حابارلاسىپ، جاعدايىن ءبىلىپ وتىر.

 

باتىس قازاقستان

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار