قوعام • 08 ءساۋىر، 2020

شىمكەنتتە 18 055 وتباسىعا اتاۋلى الەۋمەتتىك كومەك تاعايىندالعان 

239 رەتكورسەتىلدى

بۇل تۋرالى شىمكەنت قالاسى حالىقتى جۇمىسپەن قامتۋ ورتالىعىنىڭ ءباسپاسوز قىزمەتى حابارلادى.

بيىلعى جىلدىڭ I توقسانىندا شىمكەنت قالاسى بويىنشا اتاۋلى الەۋمەتتىك كومەككە بارلىعى 20 445 وتباسى قۇجات تاپسىرعان. ونىڭ ىشىندە 16 208 وتباسى شارتتى، 4 237 وتباسى شارتسىز اقشالاي كومەككە ءوتىنىم بىلدىرگەن. ناتيجەسىندە، 14 172 وتباسىعا شارتتى، 3 883 وتباسىعا شارتسىز اقشالاي كومەك تاعايىندالعان. 2 390 وتباسىعا اتاۋلى الەۋمەتتىك كومەك تاعايىنداۋدان باس تارتىلعان. 

ءبىرىنشى توقساندا باس تارتىلعان وتباسىلار مەن اتاۋلى الەۋمەتتىك كومەككە جاڭادان ءوتىنىش بىلدىرەتىندەر ەندىگى كەزەكتە Egov.kz پورتالى ارقىلى ءوتىنىش بەرە الادى. ال ءبىرىنشى توقساندا كومەك العان وتباسىلارعا ەكىنشى توقساندا ء(ساۋىر، مامىر، ماۋسىم) پرولونگاتسيا، ياعني ۇزارتۋ تارتىبىمەن تاعايىندالادى. ەگەر وتباسى قۇرامى وزگەرمەگەن بولسا، وندا ورتالىق ماماندارى قايتا ەسەپتەۋ جۇرگىزەدى.

ەستەرىڭىزگە سالا كەتەيىك، ەلىمىزدە ەنگىزىلگەن توتەنشە جاعدايعا جانە شىمكەنت قالاسىنىڭ كارانتينگە جابىلۋىنا بايلانىستى حالىقتى جۇمىسپەن قامتۋ ورتالىعى 26 ناۋرىزدان باستاپ ءوز قىزمەتىن قاشىقتان كورسەتۋگە كوشكەن.

 

شىمكەنت

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار