سپورت • 08 ءساۋىر، 2020

رەسەي وليگارحتارى سپورتقا بارىنشا قولداۋ كورسەتۋدە

13 رەتكورسەتىلدى

فوربس جۋرنالى رەسەيدىڭ ەڭ باي ازاماتتارىنىڭ ءتىزىمىن جاريالادى. سول وليگارحتاردىڭ تۇگەلگە جۋىعى سپورت سالاسىنا بارىنشا قامقورلىق كورسەتۋدە.

الىسقا بارماي-اق، «توپ-10» باي-قۋاتتىلارعا توقتالساق تا جەتكىلىكتى. ماسەلەن، رەسەي وليگارحتارىنىڭ كوشىن باستاپ تۇرعان ۆلاديمير پوتانين «تۇڭگى حوككەي ليگاسى» دەپ اتالاتىن اۋەسقوي حوككەيدى دامىتۋ قورىنىڭ قامقورشىلار كەڭەسىنىڭ توراعاسى. ونىڭ ەسەپ شوتىندا  19،7 ميلليارد دوللار بار.

ەكىنشى ورىندا تۇرعان ۆلاديمير ليسين (18،1 ملرد) الەمدىك جانە قۇرلىقتىق نىسانا كوزدەۋ فەدەراتسياسىن باسقارادى. سونداي-اق، ول رەسەيلىك ۇيىمعا دا جەتەكشىلىك ەتەدى.

ءۇشىنشى ورىندا – لەونيد ميحەلسون (17،1 ملرد). ول رەسەي فۋتبول وداعىنىڭ قامقورشىلار كەڭەسىنىڭ توراعاسى.

ءتورتىنشى ساتىعا جايعاسقان الەكسەي مورداشوۆ  (16،8 ملرد). «سەۆەرستال» حوككەي كلۋبىنىڭ قوجايىنى.

بەسىنشى ورىنداعى ۆاگيت الەكپەروۆ (15،2 ملرد) ماسكەۋدىڭ «سپارتاك» فۋتبول كلۋبى اكتسياسىنىڭ 36،8 پايىزىن يەلەنۋدە.

التىنشى ورىندى ەنشىلەگەن گەننادي تيمچەنكو (14،4 ملرد)  رەسەي وليمپيادا كوميتەتىنىڭ ۆيتسە-پرەزيدەنتى، قۇرلىقتىق حوككەي ليگاسىنىڭ ديرەكتورلار كەڭەسىنىڭ توراعاسى، سكا كلۋبىنىڭ قوجايىنى.

جەتىنشى ساتىعا تابان تىرەگەن اليشەر ۋسمانوۆ (13،7 ملرد) حالىقارالىق سەمسەرلەسۋ فەدەراتسياسىن باسقارادى.

ۇزدىك وندىقتى قورىتىندىلاعان رومان ابراموۆيچ (11،3 ملرد) انگليا پرەمەر-ليگاسىندا ونەر كورسەتىپ جۇرگەن «چەلسي» كلۋبىنىڭ يەسى.            

سوڭعى جاڭالىقتار

ۇقساس جاڭالىقتار