– بىزدە 64 ءتۇرلى ازىق-ت ۇلىك ونىمدەرى بار, ونىڭ 19-ى الەۋمەتتىك ماڭىزى بار تاعام تۇرلەرىنە جاتادى. سونىڭ ىشىندەگى 9 ءتۇرلى ازىق-ت ۇلىك ونىمىنە شەكتى باعالار قويىلىپ وتىر.
اتاپ ايتار بولسام, ءبىرىنشى سورتتى بيداي ۇنى – 211 تگ/كگ, ءبىرىنشى سورتتى ۇننان جاسالعان بيداي نانى ء(پىشىندى) – 80-تەڭگەگە دەيىن, روجكي (ولشەنىپ سالىناتىن) – 209 تگ/كگ, قاراقۇمىق جارماسى – 339 تگ/كگ, كۇرىش – 310 تگ/كگ, سيىر ەتى (سۇيەكتى جاۋىرىن-ءتوس بولىگى) – 2169 تگ/كگ, تاۋىق جۇمىرتقاسى (I ساناتتى) – 367 تگ/10 داناسى, كۇنباعىس مايى – 434 تگ/ليتر جانە اس تۇزىنا – 59 تەڭگە دەپ باعا قويىلعان.
ايتا كەتۋ كەرەك, ونى ساۋدا جانە ينتەگراتسيا, اۋىل شارۋاشىلىعى جانە ۇلتتىق ەكونوميكا مينيسترلىكتەرى ەلىمىزدەگى توتەنشە جاعداي كەزىندە «الەۋمەتتىك ماڭىزى بار ازىق-ت ۇلىك تاۋارلارىنا شەكتى بولشەك ساۋدا باعاسىن ەنگىزۋ تۋرالى» بىرلەسكەن بۇيرىققا قول قويۋ ارقىلى جۇزەگە اسىرىپ وتىر», –دەدى ە.ورازالين.
سپيكەردىڭ ايتۋىنشا, جوعارىدا اتالعان تاۋار تۇرلەرى سوڭعى ايدا قازاقستاندىقتاردىڭ ازىق-ت ۇلىك تاۋارلارىنا دەگەن سۇرانىسىن تالداۋ ناتيجەسىندە انىقتالعان. ياعني, وسى تاۋار تۇرلەرى كوپ ساتىلعاندىقتان دا, جىل باسىنان باستاپ بۇلاردىڭ باعاسى وسكەن. دەگەنمەن, ەندى جوعارىدا اتالعان تاۋارلاردىڭ باعاسىن وسىرگەندەر انىقتالسا, ولارعا 265 100 تەڭگەدەن 530 200 تەڭگەگە دەيىن ايىپپۇل تۇرىندە جازا بەلگىلەنەدى.
«قازىرگى ۋاقىتتا الماتى قالاسىنىڭ اۋداندىق اكىمدىكتەرىندە كۇن سايىن ساۋدا نۇكتەلەرىن ارالاپ شىعاتىن كوميسسيالار مەن موبيلدىك توپتار قۇرىلدى. ءبىز ءىرى ساۋدا نىساندارىن ارالاپ, ولارعا شەكتى باعا بەلگىلەنگەن 9 ءونىم بويىنشا باعانىڭ تۇراقتى بولۋىنا ەسكەرتۋ جاسادىق. ەگەر نەگىزسىز باعانىڭ وسكەنىن بايقاپ, قانداي دا ءبىر ءتارتىپ بۇزۋشىلىق انىقتالاتىن بولسا, ءموبيلدى توپ بايانات (راپورت) جازىپ, فوتو جانە بەينە-ەسەپ جاسايدى. سودان كەيىن بۇل ماتەريالدار كوميسسيانىڭ قاراۋىنا جىبەرىلەتىن بولادى. زاڭ بۇزۋشىلىق ورىن السا ەكى ءتۇرلى باعىتتا جازالانۋى مۇمكىن, ءبىرىنشىسى, 100 اەك مولشەرىندە اكىمشىلىك ايىپپۇل تولەيدى, ەكىنشىسى, بۇل بەرەشەكتى ءبىر اپتا جانە جازباشا كەلىسىم ىشىندە وتەگەن جاعدايدا ايىپپۇلدى 50 اەك-كە دەيىن قىسقارتۋعا مۇمكىندىك بەرەدى. ايتپەسە, قاۋلى سوتقا جىبەرىلەدى», – دەپ اتاپ ءوتتى سپيكەر.
«الماتى قالاسى بويىنشا بارلىق 9 اتاۋ بويىنشا ءىرى بازاردان باستاپ ءۇيدىڭ جانىنداعى دۇكەندەرگە دەيىن ساتۋشىلارعا جوعارىدا كورسەتىلگەن تاريفتەردەن باعانى اسىرۋعا رۇقسات بەرىلمەيدى. سەبەبى, قالامىزداعى بارلىق دۇكەندەردە ازىق-ت ۇلىك جەتكىلىكتى مولشەردە. سوندىقتان, بىزدە ازىق-ت ۇلىككە دەگەن تاپشىلىق جوق», – دەدى ەركەبۇلان ورازالين.
سونىمەن الماتىدا الەۋمەتتىك ماڭىزى بار تاۋارلاردىڭ شەكتى بولشەك باعالارى:
ءبىرىنشى سورتتى بيداي ۇنى, 1 كگ – 211 تەڭگە;
ءبىرىنشى سۇرىپتى بيداي ۇنىنان پىسىرىلگەن بولكە نان, 1 كگ – 146 تەڭگە;
روجكي (ولشەنىپ سالىنعان), 1 كگ – 209 تەڭگە;
قاراقۇمىق جارماسى (يادريتسا, تارازى), 1 كگ – 339 تەڭگە;
كۇرىش, 1 كگ – 310 تەڭگە;
سيىر ەتى ( سۇيەكتەرى بار جاۋىرىن-كەۋدە بولىگى), 1 كگ – 2169 تەڭگە;
تاۋىق جۇمىرتقاسى (I سانات) 10 داناسى – 367 تەڭگە;
كۇنباعىس مايى, 1 كگ – 434;
اس تۇزى («ەكسترادان» باسقا), 1 كگ – 59 تەڭگە بولىپ بەكىتىلدى.
سونىمەن قاتار الەۋمەتتىك ماڭىزى بار تاۋارلاردىڭ شەكتى باعالارى كارانتين كەزەڭىندە ەنگىزىلگەنى اتالدى.
