مەملەكەت باسشىسىنىڭ تاپسىرماسىن ورىنداۋ شەڭبەرىندە توتەنشە جاعدايدىڭ قولدانىلۋ كەزەڭىندە مەملەكەتتىك الەۋمەتتىك ساقتاندىرۋ قورىنان توتەنشە جاعدايعا بايلانىستى تابىستان ايىرىلعان ادامدارعا 42500 تەڭگە سوماسىندا اي سايىنعى الەۋمەتتىك كومەك اۋدارۋ باستالعان.
وسىعان وراي, اۋماقتىق مكد تاۋەكەل دارەجەسى جوعارى سالىق تولەۋشىلەردى قوسپاعاندا, دارا كاسىپكەر رەتىندە تىركەۋدە تۇرعان جەكە تۇلعالارعا جانە جەكە پراكتيكامەن اينالىساتىن تۇلعالارعا قاتىستى شىعارىلعان بانك شوتتارى بويىنشا شىعىس وپەراتسيالارىن توقتاتا تۇرۋ تۋرالى وكىمدەر مەن ينكاسسالىق وكىمدەردى قولداپ كەرى قايتارۋدا.
سونداي-اق, كوميتەت تاراپىنان ادىلەت مينيسترلىگىنە جانە جەكە سوت ورىنداۋشىلاردىڭ رەسپۋبليكالىق پالاتاسىنا بۇرىن شىعارىلعان سوت بۇيرىقتارى مەن شەشىمدەرى, سونداي-اق جىبەرىلگەن سالىق بۇيرىقتارى بويىنشا ازاماتتاردىڭ كەز-كەلگەن شوتتارىنا سالىنعان تىيىم سالۋدىڭ ارەكەتتەرىن ۋاقىتشا توقتاتا تۇرۋدى جانە جەكە تۇلعانىڭ بەرەشەگىن ءوندىرىپ الۋ تۋرالى ورىندالۋداعى سالىق بۇيرىقتارى بويىنشا تىيىم سالۋدى توقتاتا تۇرۋدى سۇراپ, حات جولداندى.
ەسكە سالا كەتەيىك, وسىعان دەيىن ميكرو, شاعىن نەمەسە ورتا كاسىپكەرلىك سۋبەكتىلەرى ساناتىنا جاتقىزىلعان سالىق تولەۋشىلەر ءۇشىن سالىقتاردىڭ بارلىق ءتۇرى مەن الەۋمەتتىك تولەمدەر بويىنشا تولەم مەرزىمى 2020 جىلدىڭ 1 ماۋسىمىنا دەيىن كەيىنگە قالدىرۋ تۋرالى, تاۋەكەل دارەجەسى جوعارى سالىق تولەۋشىلەردى قوسپاعاندا, سالىق جانە كەدەن بەرەشەگىن, سونداي-اق الەۋمەتتىك تولەمدەر بويىنشا بەرەشەكتى ماجبۇرلەپ ءوندىرىپ الۋ شارالارىن جانە مەرزىمىندە ورىندالماعان سالىق مىندەتتەمەسىن ورىنداۋدى قامتاماسىز ەتۋ تاسىلدەرىن قولدانۋ اعىمداعى جىلدىڭ 1 ماۋسىمىنا دەيىن توقتاتۋ تۋرالى شەشىم قابىلدانعان بولاتىن (قر ۇكىمەتىنىڭ 2020 جىلعى 27 ناۋرىزداعى № 141 قاۋلىسىنىڭ 4.1) جانە 4.2)-تارماقشالارى).
