ايماقتار • 06 ءساۋىر، 2020

ورالدا الماتىلىق بلوگەر 10 تاۋلىككە قامالدى

62 رەتكورسەتىلدى

الماتىلىق بلوگەر دوستارىمەن بىرگە كارانتين ەرەجەسىن بۇزىپ، ورالدىق مەيرامحانالاردىڭ بىرىندە دەمالعانى ءۇشىن پوليتسيا تۇتقىنداعانىن جازعان ەدىك. ورال قالاسىنىڭ اكىمشىلىك سوتى بۇگىن بلوگەر مەن دوستارىنا شەشىم شىعاردى.

وقيعا 4 ءساۋىر كۇنى كەشتە الەۋمەتتىك جەلىدە جاريالاعان بەينەجازبادان باستالعان ەدى. ورال قالاسىنا رەسەي فەدەراتسياسىنان 31 ناۋرىز كۇنى كەلگەن الماتىلىق بلوگەر ءوزىنىڭ دوستارىمەن مەيرامحانادا قوناق بولىپ وتىرعانىن بەينەگە ءتۇسىرىپ، «كارانتينگە قاراماستان ورالدىقتار لايىقتى قارسىلادى» دەگەن بەينەروليك تاراتقان بولاتىن.

«بۇل وقيعا اباي پوليتسيا ءبولىمىنىڭ قىلمىستى تىركەۋ كىتابىنا جازىلىپ، پوليتسيا كارانتين رەجىمىن بۇزعان ءتورت ادامدى انىقتادى. بەينەروليكتىڭ اۆتورى – 1992 جىلى تۋعان الماتىلىق ازامات. توتەنشە جاعداي رەجىمىن بۇزعان ءتورت ازاماتتىڭ ءىسى سوتقا جولدانىپ، ورال قالالىق اكىمشىلىك سوتى ولاردى ون تاۋلىككە اباقتىعا قاماۋ تۋرالى شەشىم شىعاردى، - دەيدى باتىس قازاقستان وبلىستىق پوليتسيا دەپارتامەنتىنىڭ رەسمي وكىلى بولاتبەك بەلگىبەكوۆ.

بۇدان بولەك، كۇشەيتىلگەن كارانتين رەجىمىن بۇزعانى ءۇشىن مەيرامحانا قوجايىنىنا بايلانىستى ءىس تە قازىر سوتقا جولدانعان.

ورال قالالىق پوليتسيا باسقارماسى باسشىسىنىڭ ورىنباسارى نۇرلان بيسەنوۆتىڭ ايتۋىنشا، سوڭعى ءۇش ايدا تىركەلگەن قىلمىس سانى بىلتىرعىمەن سالىستىرعاندا اناعۇرلىم ازايعان. مىسالى قاراقشىلىق توناۋ قىلمىسى 72-دەن 45-كە، بۇزاقىلىق 58-دەن 50-گە دەيىن كەمىگەن. قوعامدىق ورىنداردا جاسالعان قىلمىستار، ۇرلىق 50%-عا ازايعان.

سونداي-اق توتەنشە جاعداي ەنگىزىلگەلى ورال قالاسى اۋماعىندا قىلمىستىڭ بارلىق ءتۇرى كەمىگەنى بايقالادى. تەك قانا ينتەرنەت ارقىلى جاسالاتىن الاياقتىق كوبەيگەن ەكەن. پوليتسيا ازاماتتاردى اباي بولۋعا شاقىرادى.

 

باتىس قازاقستان

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار