ايماقتار • 06 ءساۋىر، 2020

7 ساۋىردەن باستاپ الماتىدا جۇرۋگە بولاتىن بارلىق رۇقساتناما كۇشىن جويادى

9666 رەتكورسەتىلدى

سەيسەنبى، 7 ساۋىردەن باستاپ الماتى قالاسىندا جۇرۋگە بولاتىن بارلىق وتكىزۋ قۇجاتتارى مەن انىقتامالاردىڭ كۇشى جويىلادى. بۇل تۋرالى بۇگىن الماتى قالاسى اكىمدىگىنىڭ ءباسپاسوز ورتالىعىندا وتكەن ونلاين-بريفينگتە ءمالىم بولدى.

الماتى قالاسى اكىمدىگى جانىنداعى توتەنشە جاعداي رەجيمىن قامتاماسىز ەتۋ جونىندەگى جەدەل شتاب كارانتين كەزىندە جۇمىستى جالعاستىراتىن كاسىپورىنداردىڭ ەلەكتروندى دەرەكتەر بازاسى قۇرىلعانى بەلگىلى. بازاعا قالانىڭ تىنىس-تىرشىلىگىن قامتاماسىز ەتەتىن مەديتسينا، قۇقىق قورعاۋ، كوممۋنالدىق قىزمەت، باق وكىلدەرى، تاكسي جانە جەتكىزۋ قىزمەتتەرى مەن مەملەكەتتىك ورگان قىزمەتكەرلەرى ەنگىزىلدى. اتالمىش ۇيىمداردان وتىنىمدەر 1-2 ساۋىرگە دەيىن قابىلدانىپ، مەكەمە باسشىلارى قىزمەتكەرلەرىنە 6 ساۋىرگە دەيىن جارامدى انىقتامالار بەرگەن ەدى.

الايدا، قالا تۇرعىندارى ءتۇرلى فورماتتاعى رۇقسات قاعازدارىن كورسەتكەن جاعدايلار جيىلەپ كەتتى. جەدەل شتاب ەشقانداي رۇقسات قاعازدار مەن ارنايى رۇقساتناما بەرىلمەيتىنىن رەسمي مالىمدەيدى. تەك ەلەكتروندى بازا عانا جۇمىس ىستەيدى. بۇگىنگى تاڭدا رۇقسات الۋعا ءوتىنىش جىبەرگەن بارلىق كاسىپكەرلەرگە رۇقسات بەرۋ نەمەسە دالەلدى باس تارتۋى بار ەلەكتروندىق حاتتار جىبەرىلدى.

دەرەكتەردى تولتىرۋ كەزىندەگى قاتەلىكتەردىڭ كوپ بولۋىنا، بازادا جەكەلەگەن قىزمەتكەرلەر مەن اۆتوكولىكتەردىڭ بولۋى نەمەسە بولماۋىنا بايلانىستى كاسىپكەرلەر الماتى پوليتسيا دەپارتامەنتىنىڭ بايلانىس ورتالىعىنا 254 40 07 تەلەفونى ارقىلى نەمەسە [email protected] ەلەكتروندىق پوشتاسى ارقىلى تەكسەرۋى كەرەك.

 

 

الماتى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار