كوروناۆيرۋس دەتىنىڭ ورشۋىنە بايلانىستى ۇستىمىزدەگى جىلى ايتۋلى جارىستىڭ كوپتەگەن كەزەڭدەرى وتپەي قالعانى بەلگىلى. سولاردىڭ قاتارىندا اۋستراليا, باحرەين, ۆەتنام, قىتاي, نيدەرلاند, يسپانيا, ءازىربايجان جانە موناكوداعى باسەكەلەر بار.
دەسەك تە, رەسەي جاعى «فورمۋلا-1» جارىسىنا جان-جاقتى دايارلانىپ جاتقانعا ۇقسايدى. سول جارىستىڭ رەسەيلىك كەزەڭىنە جاۋاپتى مامان الەكسەي تيتوۆتىڭ ايتۋىنشا, كوروناۆيرۋسكە بايلانىستى اۆتودرومنىڭ ۋاقىتشا جابىلعانىنا قاراماستان ۇيىمداستىرۋ جۇمىستارى قىزۋ جۇرگىزىلۋدە. ەگەر ىندەت سەيىلسە, وندا ءدۇبىرلى دودانى قارا تەڭىز جاعالاۋىندا وتكىزۋگە ەش كەدەرگى جوق.
ەستەرىڭىزگە سالا كەتەيىك, بىلتىر وتكەن ءدال وسى جارىستا «مەرسەدەس» كولىگىن تىزگىندەگەن ۇلىبريتانيانىڭ ايگىلى جۇرگىزۋشىسى ليۋيس حەميلتون باس جۇلدەنى ولجالادى. ەكىنشى جانە ءۇشىنشى ورىنداردى فينليانديالىق ۆالتتەري
بوتاس («مەرسەدەس») پەن موناكولىق شارل لەكلەر («فەرراري») يەلەندى.
