كۇشەيتىلگەن كارانتين رەجىمىندە ورەسكەل قىلىق كورسەتكەن بلوگەردىڭ ارەكەتى جەلى قولدانۋشىلارى تاراپىنان ەرەكشە نارازىلىق تۋدىردى. ويتكەنى, باتىس قازاقستان وبلىستىق باس سانيتارلىق دارىگەرىنىڭ بۇيرىعىمەن كوروناۆيرۋستىڭ تارالۋىن بولدىرماۋ ءۇشىن 31 ناۋرىزدان باستاپ قاتاڭ شارالار قابىلدانعان بولاتىن. رەجىمگە سايكەس بارلىق قوعامدىق تاماقتانۋ ورىندارى جابىلعان, دايىن تاماقتى ۇيگە اپارىپ بەرۋ قىزمەتى 22.00. ساعاتقا دەيىن جاسايدى.
وقيعاعا وراي تەز قيمىلداعان ورالدىق پوليتسيا الماتىلىق بلوگەردى بەينەجازباداعى ەكى دوسىمەن قوسا 5 ءساۋىر كۇنى قاماۋعا الدى.
– ءبىز كارانتين رەجىمىن ساقتاماعان قۇقىقبۇزۋشىلاردى انىقتاپ, قولعا تۇسىردىك. ولاردىڭ ۇستىنەن اكىمشىلىك قۇقىقبۇزۋشىلىق تۋرالى كودەكستىڭ 476 بابى بويىنشا ءىس قوزعالدى. بەينەروليك اۆتورى الماتىلىق, ورال قالاسىنا 31 ناۋرىز كۇنى, كۇشەيتىلگەن كارانتين ەنگىزىلەر ۋاقىتتان ءسال بۇرىن رەسەي فەدەراتسياسىنان كەلگەن. شەكارادان وتكەن كەزدە وعان 14 كۇندىك كارانتين رەجىمىن ساقتاپ, ۇيدە وقشاۋلانۋ تۋرالى ەسكەرتىلگەن. الايدا ول وقشاۋلانۋ ەرەجەسىن بۇزىپ, دوستارىمەن قوعامدىق ورىنعا بارعانى انىقتالدى. ەندى وعان قانداي جازا تاعايىندايتىنىن سوت ورىندارى انىقتايدى, - دەيدى باتىس قازاقستان وبلىستىق پوليتسيا دەپارتامەنتىنىڭ رەسمي وكىلى بولاتبەك بەلگىبەكوۆ.
باتىس قازاقستان
