قوعام • 04 ءساۋىر، 2020

ۇلت بولىپ ۇيىسۋدى ويلايىق - ماۋلەن اشىمباەۆ

718 رەتكورسەتىلدى

قازىر بۇكىل əلەممەن بىرگە ءبىزدىڭ ەلىمىز دە سىن-ساعاتىن باستان وتكەرۋدە. بۇل تىعىرىقتان شىعۋ ءۇشىن مەملەكەت باسشىسى اۋقىمدى شارالار قابىلداعانىن بىلەسىزدەر. ولار نەگىزىنەن ىندەتپەن كۇرەسۋگە جəنە حالىق پەن بيزنەستى قولداۋعا ارنالىپ وتىر. سوعان سəيكەس ورتالىقتا جəنە وڭىرلەردە ءتيىستى جۇمىستار قولعا الىندى. الداعى ۋاقىتتا ونىڭ ءبəرى وڭ نəتيجە بەرەتىنىنە ەشقانداي كۇمəن جوق.

سوندىقتان بىزگە ءدال قازىر سابىر ساقتاۋ كەرەك. ءبىز بۇدان دا قيىن كەزەڭدەردە ساعى سىنباعان حالىقپىز. وتكەن عاسىردىڭ وزىندە الاپات اشتىق پەن دۇنيە ءجۇزىن شارپىعان سۇم سوعىستان امان وتتىك. سونىڭ ءبəرىن اتالارىمىز ىنتىماق پەن ءتوزىمنىڭ ارقاسىندا ەڭسەردى. قانداي قيىن-قىستاۋ كەز بولسا دا بىرلىگىمىز بەن بەرەكەمىزگە ەش سىزات تۇسىرگەن جوق. قايتا سۇرىنگەنگە سۇيەۋ، قۇلاعانعا دەمەۋ بولىپ، جۇدىرىقتاي جۇمىلا ءبىلدى.

قازىر دە دəل سولاي بىرىگۋىمىز قاجەت. بۇگىنمەن عانا ەمەس، بولاشاقتى ويلاپ ءومىر سۇرەيىك. مەملەكەت ەشكىمدى اش-جالاڭاش قالدىرمايدى. پرەزيدەنتىمىزدىڭ تاپسىرماسىمەن مۇقتاج ازاماتتاردىڭ بəرىنە كومەك كورسەتىلەدى. تەك شىدامدىلىق تانىتقان ءجون. قاشاندا جوققا سابىر، بارعا قاناعات ەتكەن حالىق ەدىك قوي. سول قۇندىلىقتارىمىزدى جوعالتپايىق. وسىنداي سىندارلى سəتتە جاعا جىرتىسپاي، بايبالام سالماي، قايتا ۇلت بولىپ ۇيىسۋدى، ورتاق ىسكە جۇمىلۋدى ويلايىق. تəۋەلسىزدىكتىڭ، ەلدىكتىڭ قادىر-قاسيەتىنە مəن بەرەيىك.

قولداۋ شارالارىن جۇزەگە اسىرۋ كەزىندە تەحنيكالىق اقاۋلاردىڭ بولعانى راس. مىقتى دەگەن جۇيەنىڭ ءوزى ءبىر مەزەتتە مىڭداعان ادام قوسىلعان كەزدە سىر بەرەدى. الداعى ۋاقىتتا ونداي ولقىلىقتاردىڭ قايتالانباۋى ءۇشىن جاڭا رەسۋرستار ىسكە قوسىلىپ جاتىر. سوندىقتان، قايتالاپ ايتامىن، ەشكىم قولداۋسىز قالمايدى.

ەڭ باستىسى، بۇل داعدارىستىڭ ۋاقىتشا ەكەنىن ۇمىتپايىق. ودان امان-ەسەن وتەمىز. وعان ەشكىمنىڭ كۇمəنى بولماۋى كەرەك. ۇساقتالمايىق. مىنا قيىندىقتى ۇيىسۋعا بەرىلگەن مۇمكىندىك دەپ قابىلداپ، بىرلىگىمىزدى، ىرىلىگىمىزدى تانىتايىق. تəربيەلەپ وتىرعان ۇل-قىزىمىزعا سولاي ۇلگى كورسەتەيىك. ءبىرتۇتاس ۇلت بولىپ قالىپتاسۋدىڭ قامىن ويلاپ، ەلدىگىمىزدى نىعايتۋعا باسا مəن بەرەيىك.

وسى داعدارىستان كەيىن كەيبىر باسىمدىقتاردىڭ وزگەرەتىنى تۇسىنىكتى. ءتىپتى بۇكىل əلەم دامۋدىڭ جاڭا كەزەڭىنە قادام باسادى دەسەك تە ارتىق ەمەس. سول ساتتە بىزگە وسالدىق تانىتۋعا بولمايدى. وسىنداي كەزدە ءəلسىز تۇستارىمىز دا كورىنىپ جاتىر. سولاردى جەتىلدىرۋىمىز كەرەك. سونىڭ ءبəرىن ەسكەرىپ، مەملەكەت باسشىسى مەديتسينا، ءبىلىم بەرۋ، تسيفرلاندىرۋ سالالارىن دامىتۋ ءۇشىن ناقتى مىندەتتەر جۇكتەپ وتىر. ياعني، داعدارىستان كەيىن وسى باعىتتاردى جانداندىرۋعا باسىمدىق بەرىلەدى. ەكونوميكانى əرتاراپتاندىرۋعا ەرەكشە كوڭىل بولىنەدى. پرەزيدەنت بۇدان باسقا دا ناقتى جۇمىستاردى قولعا الۋدى تاپسىردى. سونىڭ ءبəرى ءوز جەمىسىن بەرۋ ءۇشىن بىرلىگىمىزدى كۇشەيتەيىك.

حالقىمىز «كوپپەن كورگەن – ۇلى توي» دەيدى. بۇل سىناقپەن تەك ءبىز ەمەس، بۇكىل جاھان جۇرتى بەتپە بەت كەلىپ وتىر. سوندىقتان ەڭسەمىزدى تۇسىرمەيىك، ەل ەكەنىمىزدى ەستەن شىعارمايىق. قانداي دۇربەلەڭ بولسا دا مويىماي، مورت سىنباي، لايىقتى ەڭسەرە بىلەيىك.

ءبىز – رۋحى مىقتى حالپىقپىز. ازاماتتارىمىزدىڭ كەشەگىدەي əنۇران شىرقاپ، بەكەم بىرلىكتىڭ وزىق ۇلگىسىن كورسەتۋى سوعان دəلەل. ەلىمىزدىڭ بارلىق وڭىرىندە بەلسەندىلىك تانىتىپ جۇرگەن ۆولونتەرلەردىڭ دە ەرەن ەڭبەگىن ەلەۋسىز قالدىرۋعا بولمايدى. ارامىزدا ءوز ەركىمەن əسكەرگە بارعىسى كەلەتىندەردىڭ دە قاتارى قالىڭ ەكەنى قۋانتادى.

قازىرگىدەي قيىن شاقتا ءبىر ءۇيدىڭ بالاسىنداي، ءبىر قولدىڭ سالاسىنداي بولىپ، پرەزيدەنتىمىزدىڭ قاسىنا توپتاسايىق. سوندا وسى سىناقتان سۇرىنبەي ءوتىپ، كوزدەگەن ماقساتتارىمىزعا قول جەتكىزەمىز.

ەلىمىز امان، جۇرتىمىز تىنىش بولىپ، قازاق ەلى مəڭگى جاساسىن!

#BizBirgemiz

ماۋلەن اشىمباەۆ،

قر پرەزيدەنتى اكىمشىلىگى باسشىسىنىڭ ءبىرىنشى ورىنباسارى 

 

سوڭعى جاڭالىقتار

ۇقساس جاڭالىقتار