فوتو: اشىق دەرەككوز
2025 جىلدىڭ مامىرىنان باستاپ وتباسى بانك تۇرعىن ۇيگە مۇقتاج ادامداردىڭ كەزەگىن ورتالىقتاندىرىلعان فورماتتا جۇرگىزىپ, جالعا جانە كرەديتتىك تۇرعىن ءۇيدى ءبولۋدى قولعا الدى. تامىز ايىندا اكىمدىكتەر بانككە 642 مىڭنان استام كەزەكتە تۇرعان ازاماتتىڭ دەرەكتەرىن جولداعان. قازاننان باستاپ وسى بازا كەزەڭ-كەزەڭىمەن تەكسەرىلە باستادى. ماقسات – دەرەكتەردى جاڭارتۋ جانە مەملەكەتتىك قولداۋدى ءادىل ءبولۋ.
«وتباسى بانك» ۋنيۆەرسيتەت وقىتۋشىلارىن باسپانامەن قامتۋعا كومەكتەسەدى
تالداۋ بارىسىندا بۇرىن تولىق رەتتەلمەگەن جۇيەلىك ولقىلىقتار مەن ازاماتتاردىڭ جەكە جاعدايلارىنا قاتىستى ماسەلەلەر انىقتالدى. ولاردىڭ قاتارىندا قاعاز ەسەپتەن ەلەكتروندىق فورماتقا كوشۋ كەزىندە دەرەكتەردىڭ جوعالۋى, مەكەنجايدىڭ وزگەرۋى, م ۇلىكتەگى ماردىمسىز ۇلەس, وتباسى قۇرامىن تىركەۋدەگى قاتەلىكتەر, سونداي-اق جەتىم بالالار مەن مۇگەدەكتىگى بار ادامداردىڭ قۇقىقتارىنا قاتىستى تۇيتكىلدەر بار.
وسىعان بايلانىستى بانك ازاماتتاردىڭ قۇقىعىن قورعاۋ ءۇشىن بىرقاتار شەشىم قابىلدادى. اتاپ ايتقاندا, جەتىم بالالاردىڭ وقۋ نەمەسە جۇمىس ءۇشىن باسقا قالاعا كوشۋىنە بايلانىستى تىركەۋى وزگەرسە دە, ولار كەزەككە تۇرعان ايماق بويىنشا مەملەكەتتىك قولداۋدى الا بەرەدى. پاتەردەگى وتە از ۇلەستىڭ بولۋى ەندى كەدەرگى ەمەس. 2026 جىلدىڭ اقپانىنان باستاپ مۇنداي ازاماتتار جالعا بەرىلەتىن تۇرعىن ءۇي مەن جەڭىلدەتىلگەن يپوتەكاعا ۇمىتكەر بولا الادى.
سونداي-اق كرەديتتىك نەمەسە جالعا بەرىلەتىن تۇرعىن ۇيدەن باس تارتقانىمەن, ول ۇيدە ناقتى تۇرماعانىن راستايتىن قۇجاتى بار ادامدار قايتادان كەزەككە تۇرا الادى. جەتىم بالالار مەن مۇگەدەكتىگى بار ادامدارعا تابىسسىز دا تالاپتى ورىنداۋعا, قوسالقى قارىز الۋشىلار رەتىندە ەكى ادامعا دەيىن تارتۋعا رۇقسات ەتىلدى. باقشا شارۋاشىلىعى ۋچاسكەسىندەگى ءۇيى بار ازاماتتار دا كەزەككە تۇرۋ جانە مەملەكەتتىك قولداۋ الۋ قۇقىعىن ساقتايدى.
دەرەكتەردى قولمەن ەنگىزۋ كەزىندە كەتكەن قاتەلىكتەر ارىز, اكىمدىك حاتى نەمەسە سوت شەشىمى نەگىزىندە تۇزەتىلەدى. وتباسى قۇرامىندا بوتەن ادامدار كورسەتىلگەن جاعدايدا دا راستايتىن قۇجاتتار ارقىلى تۇزەتۋ مۇمكىندىگى بار. اكىمشىلىك رەفورمادان كەيىن وڭىرلىك شەكارالار وزگەرۋىنە بايلانىستى ەسكىرگەن مالىمەتتەر ارىز ارقىلى جاڭارتىلادى. شەتەل ازاماتتارىمەن نەكەدە تۇرعان جاعدايدا جۇبايلار ينۆەنتاريزاتسيا كەزىندە وتباسى قۇرامىنان شىعارىلۋى مۇمكىن.
ەڭ ماڭىزدى جاڭالىقتاردىڭ ءبىرى تۇرعىن ءۇيدى تەك دەرەكتەرى جاڭارتىلعان, تۇگەندەۋدەن وتكەن ازاماتتارعا ءبولۋ قاعيداتىنىڭ ەنگىزىلۋى. بۇل kezekte.kz جۇيەسىندەگى ەسكى مالىمەتتەرگە سۇيەنىپ كەتكەن قاتەلىكتەردىڭ الدىن الۋعا ءتيىس.
زەينەتاقى جيناعىن تۇرعىن ءۇي ساتىپ الۋعا پايدالانۋ ءتارتىبى وزگەرتىلدى
وتباسى بانك قابىلدانعان بارلىق شەشىمدەر زاڭناما اياسىندا ىسكە اساتىنىن اتاپ ءوتتى. بانك باسقارما توراعاسى ءلاززات يبراگيموۆا:
«كەزەكتەگى ءار جازبانىڭ ارتىندا وتباسىنىڭ ءومىرى, ءۇمىتى بارىن تۇسىنەمىز. ءبىزدىڭ مىندەت ءار جاعدايدى ءادىل قاراستىرۋ. بۇرىن جۇيەدە قاتەلىك بولسا, ونى بۇگىن تۇزەتۋىمىز كەرەك. وتباسى بانك حالىقتىڭ مۇڭ-مۇقتاجىن ەستىپ وتىر جانە ەل تۇرعىندارىنىڭ ءومىرىن ناقتى جاقسارتاتىن شەشىمدەر قابىلداۋدى جالعاستىرادى», دەدى.
بانك الداعى ۋاقىتتا دەرەكتەردى جاڭارتۋ جۇمىستارىن جالعاستىرىپ, كۇردەلى جاعدايلاردى جەدەل ءارى كەشەندى قاراستىرۋ ءۇشىن ارنايى تۇرعىن ءۇي كوميسسياسىن قۇرۋ مۇمكىندىگىن دە جوققا شىعارمايدى.
