فوتو: no-اnnino.ru
«قازگيدرومەت» مالىمەتىنشە, باتىس تسيكلونى مەن اتموسفەرالىق فرونتتاردىڭ وتۋىنە بايلانىستى رەسپۋبليكانىڭ كوپ بولىگىندە جاۋىن-شاشىن كۇتىلەدى. 10-11 اقپاندا سولتۇستىك, سولتۇستىك-باتىس, وڭتۇستىك, وڭتۇستىك-شىعىس جانە ورتالىق وڭىرلەردە, 11 اقپاندا شىعىستا نوسەرلى جاۋىن-شاشىن بايقالادى. سونداي-اق قار ارالاس جاڭبىر جاۋى ىقتيمال. ەل اۋماعىندا كوكتايعاق, بوران جانە ەكپىندى جەل كۇشەيەدى.
بولجامعا سايكەس, كەزەڭنىڭ سوڭىندا باتىس انتيتسيكلونىنىڭ ىقپالى ارتىپ, جاۋىن-شاشىن توقتاپ, اۋا تەمپەراتۋراسى ايتارلىقتاي تومەندەيدى. سولتۇستىك, سولتۇستىك-باتىس جانە ورتالىق وڭىرلەردە تۇندە -22…-30 گرادۋسقا دەيىن اياز كۇتىلسە, كۇندىز -15…-20 گرادۋس شاماسىندا بولادى.
شىعىس ايماقتاردا اۋا تەمپەراتۋراسى تۇندە -13…-23 گرادۋسقا دەيىن تومەندەپ, كۇندىز -12…-20 گرادۋس ارالىعىندا ساقتالادى. ال وڭتۇستىك وڭىرلەردە تۇندە -10…-20 گرادۋس اياز بولىپ, كۇندىز اۋا تەمپەراتۋراسى -5 گرادۋستان +5 گرادۋسقا دەيىن قۇبىلادى.
سينوپتيكتەر اۋا رايىنىڭ كۇرت سۋىتۋىنا بايلانىستى تۇرعىنداردى ساقتىق شارالارىن كۇشەيتۋگە شاقىرادى.
