فوتو: egemen.kz/ قىرمىزى جۇماعاليقىزى
دينارا زاكيەۆانىڭ ايۋىنشا, بالالار جامبىل وبلىستىق كوپبەيىندى بالالار اۋرۋحاناسىنا جاتقىزىلعان.
2023 جىلى تۋعان ۇلدىڭ دەنساۋلىعى قاناعاتتانارلىق دەڭگەيدە بولسا, 2021 جىلى تۋعان قىزدىڭ جاعدايى اۋىر ءارى بىرنەشە جەرى سىنعانى انىقتالىپ وتىر.
بۇعان دەيىن ولاردىڭ اناسىنىڭ تەرەڭ كۇيزەلىستە ەكەندىگى بەلگىلى بولعانمەن, ول ەم-شارانى تولىق قابىلداماعان.
دينارا زاكيەۆا بالالاردىڭ قۇقىعىن قورعاۋ مەن ولارعا قاتىستى قايعىلى جاعدايلاردىڭ الدىن الۋ ىسىندە مەديتسينالىق دەرەكتەردى قۇپيا ساقتاۋ ماسەلەسى كەدەرگى بولىپ وتىرعانىن اتاپ ءوتتى.
بالالارىن تەرەزەدەن لاقتىرىپ جىبەرگەن ايەل قىلمىستىق جاۋاپكەرشىلىكتەن قۇتىلدى
«مەديتسينالىق مەكەمەلەر كۇيزەلىستەگى نەمەسە پسيحولوگيالىق اۋىتقۋى انىقتالعان اتا-انالار تۋرالى مالىمەتتى بالا قۇقىقتارى جونىندەگى ۋاكىلدىكپەن بولىسپەيدى. اتا-انالار تاراپىنان بالالارعا اياۋسىزدىق تانىتۋ مەن وسىنداي ونداعان قايعىلى وقيعالاردىڭ سەبەبى وسى ماسەلەمەن بايلانىسىپ جاتىر. بالا قۇقىقتارىن قورعايتىن مەكەمەلەر مۇنداي اقپاراتتان بەيحابار قالماۋى ءتيىس. اتالعان جاعدايدى زاڭ جۇزىندە رەتتەۋ كەرەك», دەدى بالا قۇقىقتارى جونىندەگى ۋاكىل دينارا زاكيەۆا.
دينارا زاكيەۆا كەلتىرگەن دەرەككە سۇيەنسەك, ەلىمىزدە بالالارعا زورلىق-زومبىلىق كورسەتۋ بويىنشا كۇنىنە 5 قىلمىس تىركەلەتىن كورىنەدى. ولاردىڭ ىشىندە 50-60% جاعدايدا بالالار جامانشىلىقتى اتا-اناسىنان, جاقىن تۋىسىنان كورەدى ەكەن. مۇنداي زاڭبۇزۋشىلىقتار جەكە ۇيلەردە بولاتىندىقتان, ولاردى انىقتاۋ مەن الدىن الۋ وڭاي شارۋا ەمەس.
پاۆلودار تۇرعىنى بالالارىن بەسىنشى قاباتتان لاقتىرىپ, ارتىنان ءوزى سەكىرگەن
