فوتو: Oqu-agartu ministrligi
ۇزدىك 5 جوبانىڭ قاتارىنا ەندى
بايقاۋ ەۋروپالىق وقىتۋ قورىنىڭ (European Training Foundation – ETF) ۇيىمداستىرۋىمەن ءوتتى. پەداگوگتەر «زاماناۋي ءبىلىم بەرۋ باعدارلامالارىنىڭ جاسىل تەحنولوگيالاردى دامىتۋداعى ءرولى» تاقىرىبىنداعى اۆتورلىق جوبالارىن ۇسىنىپ, جاڭارتىلاتىن ەنەرگيا كوزدەرىن وقۋ ۇدەرىسىنە جۇيەلى ەنگىزۋدىڭ تەتىكتەرىن كورسەتتى. سونىمەن قاتار بولاشاق مامانداردىڭ ەكولوگيالىق قۇزىرەتتىلىگىن ارتتىرۋ جولدارى جان-جاقتى نەگىزدەلدى.
حالىقارالىق جوباعا الەمنىڭ 50-دەن استام ەلىنەن 250-دەن اسا ۇمىتكەر قاتىسىپ, ىرىكتەۋ بىرنەشە كەزەڭنەن تۇردى. بارلىق كەزەڭدەردەن سۇرىنبەي وتكەن ماڭعىستاۋلىق پەداگوگتەر ءوز جوبالارىن حالىقارالىق ساراپشىلار الدىندا جوعارى كاسىبي دەڭگەيدە قورعاپ, ۇزدىك 5 جوبانىڭ قاتارىنا ەندى.
قازاقستان مەن قىتاي سۋ سالاسىنىڭ ماماندارىن دايارلايتىن كوللەدج قۇرادى
جەڭىمپازدار ماراپاتتالدى
جەڭىمپازداردى ماراپاتتاۋ ءراسىمى يتاليانىڭ تۋرين قالاسىندا ءوتتى. سالتاناتتى جيىن تۋرين پوليتەحنيكالىق ۋنيۆەرسيتەتىندە ۇيىمداستىرىلعان «ەۋروپالىق وداق – يتاليا ەنەرگەتيكا كۇندەرى: ەنەرگەتيكالىق اۋىسۋدى قامتاماسىز ەتۋ جانە نىعايتۋعا ارنالعان جاڭا ءىس-قيمىلدار» اتتى حالىقارالىق كونفەرەنتسيا شەڭبەرىندە ءوتتى. بيىلعى ماراپاتتاۋ «Green Skills» سىيلىعىنىڭ 5 جىلدىق مەرەيتويىنا ارنالدى.
مينيسترلىك وكىلدەرىنىڭ ايتۋىنشا, پەداگوگتەردىڭ بۇل جەتىستىگى تەحنيكالىق جانە كاسىپتىك ءبىلىم بەرۋ جۇيەسىندە جاسىل داعدىلاردى دامىتۋعا باعىتتالعان ۇلتتىق باستامالاردىڭ تيىمدىلىگىن ايقىن كورسەتەدى. سونىمەن قاتار قازاقستان كوللەدجدەرىنىڭ حالىقارالىق ءبىلىم كەڭىستىگىندەگى بەدەلىن ارتتىرۋعا ىقپال ەتەدى.
