قوعام • 04 ءساۋىر، 2020

الماتىدا حالىققا قانداي الەۋمەتتىك كومەك كورسەتىلىپ وتىر؟

27 رەتكورسەتىلدى

الماتىدا توتەنشە جاعدايدىڭ ەنگىزىلۋىنە بايلانىستى حالىقتىڭ بارلىق وسال توپتارىنا بەلسەندى الەۋمەتتىك قولداۋ كورسەتىلىپ وتىر.  قاراجاتتار رەسپۋبليكالىق جانە جەرگىلىكتى بيۋدجەتتەردەن، سونىمەن قاتار «Birgemiz» جانە «جاڭا الاتاۋ» قورلارىنان ءبولىنىپ جاتقان كورىنەدى. بۇل تۋرالى بۇگىنگى الماتى قالاسى اكىمدىگىنىڭ ءباسپاسوز ورتالىعىندا وتكەن ونلاين-بريفينگتە ءمالىم بولدى.

وسىلايشا، رەسپۋبليكالىق بيۋدجەتتەن جالپى 69 مىڭعا جۋىق قالا تۇرعىنىن ازىق-ت ۇلىك جانە تۇرمىستىق قۇرالدارمەن قامتاماسىز ەتۋ ءۇشىن 2 اەك-تەن تولەنگەن. سونىڭ ىشىندە ءى جانە ءىى توپتاعى مۇگەدەكتەر، 16 جاسقا دەيىنگى مۇگەدەك بالالار، مۇگەدەك بالاسىن كۇتۋشى اتا-انالار، ااك الاتىندار بار. 

سونىمەن بىرگە كەمىندە 2 اەك-تەن كەم ەمەس مولشەردە ءىىى توپ مۇگەدەكتەرى جانە رەسمي تۇردە جۇمىسسىز دەپ تىركەلگەن شامامەن 24 مىڭ ادامعا تولەماقى بەرۋ قاراستىرىلىپ جاتىر.

سونداي-اق، الماتى قالاسى بويىنشا حالىققا الەۋمەتتىك كومەكتى ەلباسىنىڭ باستاماسىمەن قۇرىلعان «Birgemiz» قوعامدىق قورى كورسەتۋدە. اتالعان قور حالىقتىڭ وسال توپتارىنا، ياعني 23 مىڭنان استام ادامعا 50 مىڭ تەڭگەدەن ءبولىپ تولەۋ ءۇشىن شامامەن 1،2 ملرد. تەڭگە ءبولۋدى جوسپارلاپ وتىر. ولاردىڭ قاتارىنا الەۋمەتتىك از قامتىلعاندار وتباسىنا كىرەتىن كوپبالالى وتباسىلار، ءبىرىنشى توپتاعى مۇگەدەكتەر، مۇگەدەك بالانى قاراۋشى اتا-انالار، ەڭ تومەنگى زەينەتاقى الاتىن زەينەتكەرلەر مەن جەتىمدەر بار. 

سونىمەن قاتار الماتى قالاسىنىڭ جەرگىلىكتى بيۋدجەتى ەسەبىنەن ءساۋىر ايىنىڭ سوڭىنا دەيىن 18 مىڭنان استام ۇوس مۇگەدەكتەرىنە، سونداي-اق ولارعا تەڭەستىرىلگەندەر مەن ەڭبەك مايدانىنا قاتىسۋشىلارعا ءبىر رەتتىك تولەم بەرۋ جوسپارلانىپ وتىر. وسىلايشا 206 ۇوس قاتىسۋشىلارى مەن مۇگەدەكتەرگە 1 ملن. تەڭگەدەن، 4 مىڭنان اسا ادام – 100 مىڭ تەڭگەدەن جانە 14 مىڭعا جۋىق ادام – 50 مىڭ تەڭگەدەن الادى. 

قولدانىستاعى قولداۋ شارالارىمەن قامتىلماعان مۇقتاج ادامدارعا ازىق-ت ۇلىك جيىنتىقتارى (10،5 مىڭ تەڭگە) جانە سانيتارلىق-گيگيەنالىق قۇرالدار پاكەتى (10،5 مىڭ تەڭگە) تۇرىندە «جاڭا الاتاۋ» قورى مەن «نۇر وتان» پارتياسىنىڭ دەمەۋشىلىك قاراجاتى ەسەبىنەن الەۋمەتتىك كومەك رەتىندە كورسەتىلەدى. بۇگىندە وسىنداي سەبەتتەر مەن جيىنتىقتاردى 4،7 مىڭنان استام ادام الىپ ۇلگەردى. ولاردىڭ اراسىندا ۇيلەرىنە بارىپ قىزمەت كورسەتىلەتىن جالعىزباستى زەينەتكەرلەر، 2020 جىلدىڭ جاڭا تالاپتارىنا سايكەس كەلمەيتىن، 2019 جىلدىڭ سوڭىندا مەملەكەتتىك ااك الۋشىلار قاتارىنداعى ازاماتتار بار.

وعان قوسا، بۇگىندە تج كەزىندە كىرىسىنەن ايىرىلعان 6650 قالا تۇرعىنى 1 ەتج مولشەرىندە مەملەكەتتىك الەۋمەتتىك ساقتاندىرۋ قورىنان – 42،5 مىڭ تەڭگە كولەمىندە مەملەكەتتىك الەۋمەتتىك كومەك الدى. 

جالپى، اتالعان جاردەماقىنى الۋ ءۇشىن بۇگىندە الماتى قالاسىندا 7306 قىزمەتكەردى قۇرايتىن كاسىپورىنداردان 2247 ءوتىنىش كەلىپ تۇسكەن.

 

الماتى

سوڭعى جاڭالىقتار

ۇقساس جاڭالىقتار