كوروناۆيرۋس • 04 ءساۋىر، 2020

COVID-19: الماتىدا  6 ادام ىندەتتەن ايىعىپ، 16 ادام جاڭادان جۇقتىردى

72 رەتكورسەتىلدى

جۇما كۇنى مەگاپوليستىڭ ەپيدەميولوگيالىق جاعدايى تۇراقتى ەدى. الايدا، بۇگىن سەنبىلىك تاڭەرتەڭ الماتىدا  كوروناۆيرۋس ىندەتىن جۇقتىرعان ناۋقاستار سانى 109-عا جەتتى.

دەنساۋلىق ساقتاۋ مينيسترلىگىنىڭ مالىمدەمەسىنەن كەيىن، 93 ناۋقاستىڭ قاتارىنا تاعى 16 ادام قوسىلدى، ولاردىڭ ءبارى ۆيرۋس جۇقتىرعاندارمەن تىكەلەي قارىم-قاتىناستا بولعاندار.

بۇل 16 ناۋقاستىڭ بىرەۋىنىڭ جاعدايى اۋىر، قالعاندارىنىڭ دەنساۋلىعى قاناعاتتانارلىق.

ولاردىڭ ءبارى دە كوروناۆيرۋس جۇقتىرعاندىعى راستالعاندا ستانتسيوناردا بولعان.

ءتورت ناۋقاس «ماسكەۋ – الماتى» رەيسىمەن ۇشىپ كەلگەن ءبىر جولاۋشىمەن بايلانىستا بولعان. ولاردىڭ بىرەۋى ناۋقاستىڭ اناسى  مەن 2009 جانە 2017 جىلدارى تۋعان ەكى بالاسى جانە ءبىر بايلانىستا بولعان ادام.

كوڭىلگە دەمەۋ بولاتىن جاعىمدى جاڭالىق – بۇگىن Covid-19 ىندەتىنەن تاعى 6 ناۋقاس اۋرۋحانادان جازىلىپ شىقتى. ونىڭ 5-ءۋى ايەل، بىرەۋى ەر ادام.

ەكەۋى – 16 ناۋرىزدا ستامبۋلدان، ەكەۋى – 10 ناۋرىزدا «ماسكەۋ – الماتى» رەيسىمەن ۇشىپ كەلگەن، تاعى بىرەۋى – 13 ناۋرىزدا بەرلين رەيسىمەن جەتكەن، ەندى بىرەۋى ۆيرۋس جۇقتىرعان اداممەن بايلانىستا بولعان.

الماتىدا كوروناۆيرۋستان ەمدەلىپ شىققانداردىڭ جالپى سانى – 19.

ولاردىڭ ءبارى قازىرگى تاڭدا 14 كۇندىك ءۇي كارانتينىندە.

بۇگىنگى كۇنى قالالىق جۇقپالى اۋرۋلار اۋرۋحاناسىندا كوروناۆيرۋس ينفەكتسياسىن جۇقتىرعان دەگەن دياگنوزبەن 91 پاتسيەنت جاتىر. ولاردىڭ بىرەۋى الماتى وبلىسىنىڭ تۇرعىنى (ايەل ادام).

77 ناۋقاستىڭ جاعدايى قاناعاتتانارلىق.  ەكى ەرەسەك ادامنىڭ ءحالى وتە اۋىر، 1 ناۋقاس اۋىر جاعدايدا، 11 ەرەسەك ناۋقاستىڭ جاعدايى ورتاشا (ارالارىندا وبلىستىڭ ءبىر تۇرعىنى بار).

پروۆيزورلىق ورتالىقتاردا بۇگىندە 655 ادام بار، ولاردىڭ 83-ءى بالا، ەكى كۇندىك كارانتيندە 523 ازامات، ال ءۇي كارانتينىندە 4411 ادام وتىر.

 

الماتى

سوڭعى جاڭالىقتار

ۇقساس جاڭالىقتار