ونەر • 04 ءساۋىر، 2020

تەاترلار دا جاڭا جاعدايعا بەيىمدەلە باستادى

21 رەتكورسەتىلدى

COVID-2019 بۇكىل دۇنيەجۇزىن قۋسىرىپ، ء«بىر تارىنىڭ قاۋىزىنا سىيدىرعانداي» كۇيدە. الەمنىڭ 200-دەن استام ەلىندە ءبىر ميلليوننان استام ادام جۇقپالى دەرتكە شالدىقتى. ىندەت مەديتسينا ماماندارى مەن جەدەل قۇتقارۋ قىزمەتىنە عانا ەمەس، جالپى كوپشىلىككە اۋىر ءتيىپ وتىر. سونىڭ ىشىندە مادەنيەت وشاقتارى دا بار.

اۋرۋ تاراي باستاعاننان-اق الەم ەلدەرى كينوتەاترلار مەن تەاترلاردى، كونتسەرت جانە كورمە زالدارىن جاپتى. مىڭداعان ادام جۇمىسسىز قالدى. كوپتەگەن تەاتر تىعىرىققا تىرەلدى. دەگەنمەن، از ۋاقىت ەس جيىپ العاننان كەيىن كوپشىلىك تىعىرىقتان شىعۋدىڭ جولىن ىزدەستىرە باستادى. تەاترلار ونلاين فورماتقا كوشتى.

الەمنىڭ بىرقاتار ەلىندە ونلاين ترانسلياتسيانىڭ وزىنە جۇرت كوپتەپ بيلەت ساتىپ الىپ جاتىر ەكەن. كەي تەاترلار، ءتىپتى، ادەتتەگى ورىن سانىنان دا كوپ بيلەت ساتىپ جاتقان كورىنەدى. كينوتەاترلار دا جاڭا زامانعا بەيىمدەلۋگە تىرىسۋدا. شوۋلار مەن كومەديا تەاترلارى دا ينتەرنەتتىڭ مۇمكىندىگىن پايدالانىپ، كرەاتيۆ يدەيالارعا بارۋدا. بۇل جاعىنان ءبىزدىڭ ەلىمىزدىڭ تەاترلارى دا قالىس قالىپ وتىرعان جوق.

قاسيەتتى قاراشاڭىراق – م.اۋەزوۆ اتىنداعى مەملەكەتتىك اكادەميالىق دراما تەاترى دا ونلاين جۇمىسقا كوشتى. سپەكتاكلدەردى ونلاين كورسەتۋگە كوشكەن تەاتر ۇجىمى مۇنىمەن دە شەكتەلمەي، ونلاين سىرلاسۋ ساعاتتارىن قولعا الىپ وتىر. فەيسبۋك جانە ينستاگرام الەۋمەتتىك جەلىلەرىن پايدالانا وتىرىپ، Live فورماتىندا تىكەلەي ەفيردە سۇحباتتار دا ۇيىمداستىرا باستادى. العاشقى سىرلاسۋ كەشىنىڭ قوناعى تەاتر اكتەرى، قازاقستان جاستار وداعى سىيلىعىنىڭ لاۋرەاتى، قازاقستاننىڭ ەڭبەك سىڭىرگەن قايراتكەرى ازامات ساتىبالدى بولدى. «ونەرىم – ءومىرىم» اتتى سىرلاسۋ ساعاتىندا اكتەر كورەرمەننىڭ ساۋالدارىنا جاۋاپ بەردى.

تاعى ءبىر سىرلاسۋ ساعاتى ابايدىڭ 175 جىلدىعىنا وراي ۇيىمداستىرىلدى. كەش قوناعى – اكتەر، «قۇرمەت» وردەنىنىڭ يەگەرى، قازاقستاننىڭ ەڭبەك سىڭىرگەن قايراتكەرى بولات ءابدىلمانوۆ. تەاتر ساحناسىندا ۇلى اقىندى سومداپ جۇرگەن بولات ءابدىلمانوۆ دا كورەرمەننىڭ كوكەيىندەگى ساۋالدارعا جاۋاپ بەردى.

اۋەزوۆ تەاترى الداعى كۇندەرى دە وسىنداي ماعىنالى دا مازمۇندى كەشتەرىمەن قۋانتپاق. تەاتر اكتەرلەرىمەن تىكەلەي ەفيردە تىلدەسكىسى كەلگەن كورەرمەن اكەمتەاتردىڭ الەۋمەتتىك جەلىدەگى پاراقشالارىن قاداعالاپ جۇرگەنى ءجون.

 

 

الماتى

 

 

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار