كرەمل باسشىسى «قارا التىن» قۇنىنىڭ قۇلدىراۋى ەكونوميكاعا كەرى اسەر ەتەتىنىن تىلگە تيەك ەتىپ, ءوندىرىس كولەمىن ازايتۋ ءۇشىن ارىپتەستىك قاجەتتىگىن ءسوز ەتتى.
ءپۋتيننىڭ سوزىنە قاراعاندا, مۇنايدىڭ ارزانداۋىنا ەكى نارسە اسەر ەتىپ وتىر. ءبىرىنشىسى – كوروناۆيرۋستىڭ پاندەمياسى. ەكىنشىسى – ساۋد ارابياسىنىڭ ارەكەتى.
«باعانىڭ قۇلاۋىنىڭ ەكىنشى سەبەبى – وپەك+ كەلىسىمىنەن ساۋد ارابياسىنىڭ شىعىپ, ءوندىرىس كولەمىن ۇلعايتىپ, ارىپتەستەرىنە جەڭىلدىكپەن مۇناي ساتۋعا ءازىر ەكەنىن حابارلاۋى», دەدى رەسەي پرەزيدەنتى.
ايتا كەتەرلىگى, «قارا التىننىڭ» قۇنى كوروناۆيرۋستىڭ پاندەميالىق سيپات الا باستاۋىنان تۇسە باستاعان. الايدا وپەك-ءتىڭ كەزەكتى وتىرىسىندا رەسەي مەن ۇيىمعا مۇشە مەملەكەتتەردىڭ كەلىسىمگە كەلە الماۋىنان مۇنايدىڭ باعاسى كۇرت قۇلدىرادى.
