ء«ساۋىر ايىندا بىزدەر ءۇشىن ماڭىزدى بىرقاتار ءدىني مەيرامدار كەلە جاتىر. ولار – ورازا, پروۆاسلاۆتىق جانە كاتوليكتىك پاسحا, ياھۋديلىك پەساح جانە تاعى دا باسقالار. ءسوزسىز, ولاردىڭ بارلىعى كوپتەگەن ازاماتتار ءۇشىن ۇلكەن ماڭىزى بار. ءبىز ءدىن ۇستانۋشى ازاماتتارىمىزدىڭ ءدىني سەنىمىنە زور قۇرمەتپەن قارايمىز. الايدا, كوروناۆيرۋس ىندەتى بارلىق ادامنىڭ دەنساۋلىعىنا, ومىرىنە قاۋىپ توندىرۋدە. سول ءۇشىن كوپتەگەن ەلدەر ەپيدەمياعا قارسى بۇرىن سوڭدى بولماعان شەكتەۋلەر ەنگىزۋدە. ۆيرۋس تارالماۋى ءۇشىن ادامدار جينالاتىن بارلىق شارالارعا, ونىڭ ىشىندە ءدىني شارالارعا دا ۋاقىتشا تىيىم سالىنادى. سەبەبى, بۇل ءدىني شارالار كەزىندە ادامدار عيبادات ورىندارىنا بارىپ, تۋىستارى مەن جاقىندارىمەن جينالادى. بىرگە مازار باسىندا بارادى, ودان دا باسقا ءارتۇرلى مادەني كوپشىلىك ءىس-شارالار بولادى. سول ءۇشىن قازىرگىدەي كۇردەلى ۋاقىتتا ەڭ باستى ماسەلە – ادامنىڭ دەنساۋلىعى مەن اماندىعى»,- دەدى داۋرەن اباەۆ.
مينيستر, مەرەكەلىك ءىس-شارالاردى ونلاين وتكىزۋدى ۇسىندى.
«ەشقانداي ءدىن ادام ءومىرى مەن دەنساۋلىعىنا قاۋىپ توندىرگەندى ماقۇلدامايدى.وسى رەتتە بارلىق ءدىني جانە ەتنومادەني ۇيىمداردىڭ باسشىلارى مەن ازاماتتاردى تۇسىنىستىك تانىتۋعا شاقىرامىز. ءدىني مەيرام كەزىندە كارانتين رەجيمىن ساقتاۋدى سۇرايمىز. ءدىني بىرلەستىكتەر مەرەكەلىك ءدىني راسىمدەردى ونلاين رەجيمدە وتكىزۋدى ۇسىنامىز»,- دەدى داۋرەن اباەۆ.
