– ءبىز كليەنتتەرىمىزدى باعالايمىز جانە بارىنشا قامقورلىق كورسەتسەك دەيمىز. كوروناۆيرۋستىڭ تارالۋىنا بايلانىستى كوپتەگەن قازاقستاندىق وتباسىنىڭ كۇردەلى جاعدايعا ۇشىراعانىن بىلەمىز. سوندىقتان ءار زاەمشىعا قولداۋ ءبىلدىرۋ تۋرالى شەشىم قابىلدادىق. 2020 جىلدىڭ 16 ناۋرىزىنان باستاپ قارجىلىق قيىندىق كورىپ وتىرعان كليەنتتەرگە 90 كۇن مەرزىمگە نەسيە تولەمىن شەگەرۋ مۇمكىندىگى بەرىلەدى. ول ءۇشىن ءدال قازىر ءوتىنىش جازۋ, بانككە كەلۋدىڭ قاجەتى جوق. ءوتىنىش 15 ساۋىردەن باستاپ جسسب24 ينتەرنەت-بانكينگىندە قابىلدانادى. بۇل قادام كليەنتتەرىمىزگە قيىندىقتان ءوتىپ, جاقىن ارادا قالىپتى ومىرگە ورالۋلارىنا كومەكتەسەدى دەپ ۇمىتتەنەمىز.
قازاقستاندىقتاردىڭ بولاشاعىن ويلاستىرىپ, تۇرعىن ءۇي قۇرىلىس جيناق بانكى ارقىلى باسپانالى بولۋدى جوسپارلايتىنىن بانك كورسەتكىشتەرى بايقاتادى, – دەيدى تۇرعىن ءۇي قۇرىلىس جيناق بانكى باسقارما ءتورايىمى ءلاززات يبراگيموۆا.
2020 جىلدىڭ 1 توقسانىندا تۇرعىن ءۇي قۇرىلىس جيناق بانكى سالىمشىلارى دەپوزيتتەرىنە 125 ملرد تەڭگە جينادى. جالپى العاندا, جىل باسىنان بەرى 93 508 جيناق شوتى اشىلعان. دەپوزيتتەرگە دەگەن مۇنداي ۇلكەن سۇرانىستىڭ سەبەبى – تەڭگەلەي بەرىلەتىن جانە ۇستەماقىسى بەكىتىلىپ قويعان نەسيەنىڭ قولجەتىمدىگى. دەپوزيتتەرىنە باستاپقى جارناعا دەپ اقشا جيناعان بانك كليەنتتەرى ءۇي ساتىپ الۋ ءۇشىن جىلدىق ۇستەماقىسى 2-8,5% ارالىعىنداعى نەسيە راسىمدەي الا الادى.
جىل باسىنان بەرى مۇنداي مۇمكىندىكتى تۇرعىن ءۇي قۇرىلىس جيناق بانكىنىڭ 7 592 كليەنتى پايدالانعان. قازىرگى ۋاقىتتا تقجب نەسيە قورجىنى 1, 034 تريلليون تەڭگەنى قۇرايدى. ال مەرزىمى بىتپەگەن زاەم سانى 160 000-دى قۇراپ وتىر. جىل باسىندا قويىلعان جوسپارلى كورسەتكىشتەردىڭ ءبارىن تۇرعىن ءۇي قۇرىلىس جيناق بانكى 100%-عا ورىندادى. سونداي-اق بانك زاەمشىلارىنىڭ نەسيە شارتتارىن, ءتارتىبىن ساقتاي الاتىندىعىن اتاپ ءوتۋ كەرەك. مۇنى NPL دەڭگەيىنىڭ تومەندىگىنەن (ۋاقتىلى وتەلمەگەن, تولەۋ مەرزىمىنى كەشىكتىرىلگەنىنە 90 كۇننەن اسقان) كورۋگە بولادى. قازىر بۇل كورسەتكىش 0,18%-دى قۇراپ وتىر, ال ەل بانكتەرىندەگى ورتا NPL 8%-عا تەڭ.
