بارشاعا بەلگىلى ەۋروپاداعى, امەريكاداعى, باسقا دا ايماقتارداعى توتەنشە جاعداي əلەمدى الاڭداتۋدا. وسىعان وراي قازاقستان پرەزيدەنتى جەر بەتىنە جايىلعان ىندەتتىڭ ەلىمىزدە كەڭ تاراپ كەتپەۋىن دەر كەزىندە نازاردا ۇستاپ, قولعا العانى, قاۋىپسىزدىكتى ساقتاۋ ءۇشىن ماڭىزدى شارالاردى جۇزەگە اسىرعانى بەلگىلى.
بارلىق وڭىردە ءتəرتىپ ورناتىپ, تازالىق پەن ۇقىپتىلىقتى, جاۋاپكەرشىلىكتى ساقتاۋدى تالاپ ەتىپ, سونى جۇزەگە اسىرۋدى تاپسىردى. مەملەكەت باسشىسى وسى جولعى قازاقستان حالقىنا ارناعان مəلىمدەمەسىندە ەلدىڭ əلەۋمەتتىك جاعدايىنا باسا نازار اۋدارىپ, كومەكتەسۋ قاجەتتىگى تۋرالى ءتيىستى سالالارعا ناقتى تاپسىرما بەرگەنى كوپتىڭ كوڭىلىنەن شىقتى. اتاپ ايتقاندا, ەلدەگى ينفلياتسيانىڭ ارتۋىنا بايلانىستى زەينەتاقى مەن جəردەماقىلاردى 10 پايىزعا ءوسىرۋ تۋرالى تاپسىرما بەرۋى, شاعىن جəنە ورتا بيزنەس وكىلدەرىنە قامقورلىق كورسەتۋ, اۋىل شارۋاشىلىعىن دامىتۋعا, فەرمەرلەرگە كومەك, جانار-جاعارماي, ديزەل وتىنى باعاسىن ارزانداتۋ, كارانتين كەزىندە جۇمىسشىلارعا كورسەتىلەر كومەك, بانك سالالارىنا قارجىلىق رەتتەۋ, سالىقتان بوساتۋ سەكىلدى مەملەكەت باسشىسىنىڭ داعدارىسقا قارسى 8 تاپسىرماسى جۇرتشىلىق تاراپىنان قىزۋ قولداۋ تابۋدا. مىسالى, ازاماتتاردىڭ تابىسىن ارتتىرۋ ءۇشىن 200 ميلليارد تەڭگەدەن استام قاراجات بولىنەتىنى, ەلىمىز ءۇشىن ازاماتتاردىڭ دەنساۋلىعى مەن ولاردىڭ ماتەريالدىق احۋالى, حالىقتىڭ كۇنكورىس تابىسىنىڭ ازايماۋى ماڭىزدى. قاسىم-جومارت كەمەل ۇلى جاعدايدىڭ ۋشىعا تۇسكەنىن ەسكەرىپ, بيزنەسكە قولداۋ كورسەتۋ جونىندە ءتيىستى شەشىمدەر قابىلدادى. قوسىمشا əلەۋمەتتىك تولەمدەردى ارتتىرۋ باعىتىندا ەلىمىزدەگى ءۇش ميلليونعا جۋىق ادامعا قولداۋ كورسەتۋ قاجەتتىگى ايتىلدى. ازىق-ت ۇلىكتى تەگىن الاتىندار سانىن ارتتىرۋ, جاعدايى تومەن وتباسىلارعا كورسەتىلەر كومەك, وسى جəنە تاعى باسقا شارالار قيىن كەزەڭدە قازاقستان جۇرتشىلىعىنا جاسالىپ وتىرعان يگى ىستەر. ەندىگى جەردە حالقىمىز سابىرلىلىق تانىتىپ, ءتəرتىپ پەن جاۋاپكەرشىلىكتى تۋ ەتىپ ۇستاپ, مەملەكەت باسشىسى ءوز مəلىمدەمەسىندە اتاپ وتكەنىندەي, داعدارىس كەزىندە ۇيىمشىلدىق تانىتا بىلگەنى ابزال.
مەملەكەت باسشىسىنىڭ ىندەتپەن كۇرەسىپ, كۇن-ءتۇن دەمەي جۇمىس ىستەپ جاتقان مەديتسينا قىزمەتكەرلەرىنە العىس ايتىپ, ولارعا قوسىمشا سىياقى تولەۋ تۋرالى شەشىمى جۇرتشىلىقتىڭ ريزاشىلىعىن تۋدىردى.
اقان بيجانوۆ,
فيلوسوفيا, ساياساتتانۋ جانە ءدىنتانۋ ينستيتۋتىنىڭ ديرەكتورى, ساياسي عىلىمدار دوكتورى, پروفەسسور
الماتى
