پارلامەنت • 03 ءساۋىر، 2020

قۇپتارلىق قادام

20 رەتكورسەتىلدى

مەملەكەت باسشىسى قاسىم-جومارت توقاەۆتىڭ رەسپۋبليكالىق تەلەارنالار ارقىلى تىكەلەي ەفيردە جاساعان مالىمدەمەسىنەن ەلىمىزدەگى توتەنشە جاعداي جانە ەكونوميكالىق-الەۋمەتتىك سالاداعى داعدارىس قارساڭىندا قابىلدانعان ءىس-شارالار جوس­پارىنا قانىقتىق.

حالقىمىزدا «اۋىرىپ ەم ىزدەگەنشە، اۋىرمايتىن جول ىزدە» دەگەن ءسوز بار. ەڭ الدىمەن، پرەزيدەنتتىڭ قاداعالاۋىمەن كوروناۆيرۋس ىندەتىنىڭ الدىن الۋ ءىس-شارالارىنىڭ ۋاقتىلى قولعا الىنعانىن اتاپ وتكىم كەلەدى. ەلىمىزگە جامانات حاباردىڭ العاش جەتكەن ساتىنەن باستاپ شۇعىل تۇردە شەكاراداعى باقىلاۋدى كۇشەيتۋ، قالالاردى كارانتينگە جابۋ، قوعامدىق ورىندارداعى قوزعالىستى شەكتەۋ سياقتى قادامدار دەر كەزىندە جاسالدى. ويتكەنى ءبىزدىڭ ەلدى بۇكىل ەل بولىپ تويلايتىن ۇلكەن مەرەكەمىز ناۋرىز كۇتىپ تۇرعان ەدى. بۇل كۇندەرى ەجەلدەن كەلە جاتقان سالتىمىز بويىنشا القالاعان اعايىن ءبىر-بىرىمەن كورىسىپ، ءتوس قاعىستىرىپ، ۇلتتىق مەرەكەمىز ۇلان-اسىر تويعا ۇلاسىپ جاتاتىن ەدى. وسى مەيرامىمىزدى جىلداعى داستۇرىمەن، ءسان-سالتاناتىمەن اتاپ وتەتىن بولساق، اتى جامان ىندەتتىڭ كەڭ تارالۋىنا مۇمكىندىك بەرىپ قويار ەدىك.

ءوزىمنىڭ ماماندىعىم دارىگەر بولعاندىقتان، مەملەكەت باس­شى­سىنىڭ مىندەتتى الەۋمەتتىك مەديتسينالىق ساقتاندىرۋ جۇيەسى بويىنشا ساقتاندىرىلماعان ازا­ماتتاردىڭ مەديتسينالىق كومەك الۋ قۇقىعىن 1 ساۋىردەن 1 شىلدەگە دەيىن ۇزارتۋدى تاپسىرعانىن وتە قۇپتارلىق ءىس دەپ باعالايمىن. بۇل ءمامس جۇيەسىن 2020 جىل­دىڭ 1 قاڭتارىنان باستاپ ەنگىز­ۋىمىز كەرەك بولعان. بىراق بۇل ۇدەرىستى بىردەن ەنگىزۋ وڭاي بولمايتىنىن ەسكەرىپ، ءۇش ايعا كەيىن شەگەرگەن ەدى. ەندى مۇنى قازىرگى احۋالعا بايلانىستى تاعى ءۇش اي قويا تۇرامىز. ياعني مەدي­تسينالىق كومەك ازاماتتارعا بۇرىنعىداي قولجەتىمدى بولىپ قالا بەرەدى. سەبەبى اتالعان جۇيە قىسىلتاياڭ كەزەڭدە قاراپايىم جۇرتتىڭ قالتاسىنا سالماق تۇسىرەدى. بۇگىندە مەملەكەت 15 ساناتتاعى ازاماتتارعا الەۋمەتتىك ساقتاندىرۋ پاكەتىن تولەپ بەرىپ وتىر. بۇلاردىڭ جالپى ۇلەسى – 10،5 ملن ادام.

سونىمەن قاتار كورو­نا­ۆيرۋستىڭ جەر جاھاندى جاۋ­لاپ، ءورشىپ تۇرعان شاعىندا كۇن-ءتۇن دەمەي، اياعىنان تىك تۇرىپ قىزمەت ەتىپ جۇرگەن دارىگەر­لەرگە پرەزيدەنتتىڭ ءوزى باس بولىپ جاسالىپ جاتقان ەرەكشە قام­قورلىق پەن حالىقتىڭ قول­داۋى وتە ماڭىزدى. مەديتسينا قىز­مەت­كەرلەرىنىڭ ايلىعىنا ءۇش اي بويى ۇستەماقى قوسۋ تۋرالى شەشىمنىڭ ورىندى بولعانى انىق.

باستىسى، ءبىرلىمىز بەكەم بولىپ، قابىلدانعان قاۋىپسىزدىك شا­رالارىن قاتاڭ ساقتاساق، ادام­زاتتىڭ باسىنا تونگەن بۇل ىندەت­تىڭ دە بەتىن قايتارىپ، ەڭسەرەمىز دەپ سەنەمىن.

 

زاۋرەش امانجولوۆا،

ءماجىلىس دەپۋتاتى

 

سوڭعى جاڭالىقتار

ۇقساس جاڭالىقتار