قوعام • 03 ءساۋىر، 2020

قازاقستان حالقى اسسامبلەياسىنىڭ قازاقستان پرەزيدەنتىنىڭ مالىمدەمەسىن ىسكە اسىرۋ جونىندەگى ۇندەۋى

20 رەتكورسەتىلدى

قۇرمەتتى حالايىق!

31 ناۋرىزدا پرەزيدەنت قاسىم-جومارت توقاەۆ قازاقستان حالقىنا ازاماتتاردى جانە بيزنەستى قولداۋ جونىندەگى ودان ارعى قادامدار تۋرالى مالىمدەمە جاسادى. بۇل ۇندەۋ مۇناي باعاسى مەن كوروناۆيرۋس پاندەمياسى اسەرىنەن تۋىنداعان الەمدىك ەكونوميكالىق تۋربۋلەنتتىلىكتىڭ بۇرىن-سوڭدى بولماعان كۇردەلى جاعدايىندا ايتىلدى.

 

بۇۇ باس حاتشىسى ا.گۋتەررەش قالىپتاسقان جاعدايدى ەكىنشى دۇنيەجۇزىلىك سوعىستان كەيىنگى كەزەڭدەگى ەڭ كۇردەلى داعدارىس دەپ اتادى جانە بۇل جاي عانا ءسوز ەمەس. بولجام بويىنشا، الەمدە 25 ميلليون ادام جۇمىسىنان ايىرىلىپ، ەكونوميكالىق بايلانىستار كۇردەلەنەدى، بيزنەس تۇرالاپ، ەلدەردى جاڭا كەدەرگىلەر الاڭداتادى. الەم كوز ىلەسپەس جىلدامدىقپەن وزگەرۋدە.

وسىنداي كۇردەلى جاعدايلاردا مەملەكەت باسشىسى ەلدىڭ الەۋمەتتىك-ەكونوميكالىق دامۋ قارقىنىن ءجىتى قاداعالاپ، حالىقتىڭ ەڭ شۇعىل قاجەتتىلىكتەرىنە دەر كەزىندە جانە باسا نازار اۋدارادى.  پرەزيدەنت ق.توقاەۆتىڭ باسشىلىعىمەن قازاقستان جاپپاي تارالعان ىندەتتىڭ الدىن الۋ شارالارىن ۋاقىتىندا قابىلدادى، تۇڭعىش پرەزيدەنت، ەلباسى ن.ءا.نازارباەۆتىڭ باستاماسىمەن قۇرىلعان قازاقستان رەسپۋبليكاسىنىڭ ۇلتتىق قورى – «قاۋىپسىزدىك بەلبەۋى» ءتيىمدى جۇمىس ىستەيدى.

قازاقستان اتا زاڭدا بەلگىلەنگەن الەۋمەتتىك مەملەكەت تۋرالى كونستيتۋتسيالىق نورمانى سەنىمدى جانە مۇلتىكسىز ورىندايدى.

ەل پرەزيدەنتى ق.توقاەۆ زەينەتاقى مەن مەملەكەتتىك جاردەماقىنى، اتاۋلى الەۋمەتتىك كومەكتى جىلدىق 10%-عا يندەكساتسيالاۋدى تاپسىردى. ءمامس قاتىسۋشىسى مارتەبەسىنە قاراماستان، بارلىق ازاماتتاردىڭ مىندەتتى الەۋمەتتىك مەديتسينالىق ساقتاندىرۋ جۇيەسىندە مەديتسينالىق كومەك الۋ قۇقىعى 1 ساۋىردەن 1 شىلدەگە دەيىن ۇزارتىلادى.

بۇل بارلىق ازاماتتاردىڭ ءال-اۋقاتى مەن مۇددەلەرىنە قاتىستى شارالار.

قازاقستان حالقى اسسامبلەياسى مەملەكەت باسشىسىنىڭ مالىمدەمەسىن تۇتاستاي جانە تولىعىمەن قولداي وتىرىپ، ولاردى ىسكە اسىرۋعا جان-جاقتى ازاماتتىق قولداۋ كورسەتۋ قاجەتتىگىن مالىمدەيدى.

ءبىز وسىنداي ساتتە جاۋاپكەرشىلىكتى تەك مەملەكەتكە عانا اۋدارا سالۋعا قۇقىعىمىز جوق. مەجەلەنگەن ناتيجەگە قول جەتكىزۋ ءاربىر ازاماتتىڭ بۇگىنگى تاڭدا كارانتيندىك شارالاردى قاتاڭ ساقتاۋىنان باستالادى. ءبىزدىڭ بۇل ىسكە ازاماتتىق اتسالىسۋىمىزدىڭ ودان ارعى ۆەكتورى پرەزيدەنتتىڭ جاڭا باستامالارىن ىسكە اسىرۋعا بەلسەندى جاردەمدەسۋگە باعىتتالۋى ءتيىس.

قازاقستان حالقى اسسامبلەياسىنىڭ مۇشەلەرى كارانتين جاعدايىندا قول جەتىمدى الەۋمەتتىك جەلىلەردىڭ، ەلەكتروندى تاراتىلىمداردىڭ، وزدەرىنىڭ ازاماتتىق بايلانىستارىنىڭ بارلىق مۇمكىندىكتەرىن پايدالانا وتىرىپ، ءوزىن ءوزى جۇمىسپەن قامتىعان ازاماتتار اراسىندا كەڭ اۋقىمدى ءتۇسىندىرۋ جۇمىستارىن جۇرگىزەدى.

اقپاراتتىق جۇمىس اۋقىمىنا 3 ميلليونعا جۋىق ازاماتىمىزدى ەڭ تومەنگى جالاقى مولشەرىندە قوسىمشا الەۋمەتتىك تولەمدەرمەن قامتۋ; ازاماتتاردىڭ ءتۇرلى ساناتتارىن تەگىن ازىق-ت ۇلىك جانە تۇرمىستىق جيىنتىقتارمەن قامتاماسىز ەتۋ جانە ولاردى ءوندىرۋ مەن جەتكىزۋ جۇمىستارىنا جەرگىلىكتى شاعىن جانە ورتا بيزنەستى تارتۋ سياقتى شارالار قامتىلۋى ءتيىس.

قازاقستان حالقى اسسامبلەياسى مەملەكەت باسشىسىنىڭ كوكتەمگى ەگىس جۇمىستارىن ۋاقىتىندا جۇرگىزۋ جانە شاعىن جانە ورتا شارۋا قوجالىقتارىن قولداۋ، جاڭا جۇمىس ورىندارىن اشۋ جونىندەگى تاپسىرماسىنا ەرەكشە نازار اۋدارۋعا شاقىرادى. اۋىل شارۋاشىلىعى وندىرىسىندە مول تاجىريبەسى بار قحا مۇشەلەرى پرەزيدەنتتىڭ باستامالارىن جۇزەگە اسىرۋ ءۇشىن قاجەتتى كومەك كورسەتۋ، اۋىل شارۋاشىلىعى ونىمدەرىن ءوندىرۋشى جاستارعا قامقورلىق جاساۋ، كەڭەس بەرۋ جانە وزگە دە قولداۋ كورسەتۋ شارالارىن جاسايتىن بولادى.

سونىمەن قاتار ارينە وسى مىندەتتى ىسكە اسىرۋعا وزدەرى دە اتسالىسۋى كەرەك.

ءبىز، قازاقستان حالقى اسسامبلەياسىنىڭ مۇشەلەرى، پرەزيدەنت ق.توقاەۆتىڭ تاپسىرمالارىن ىسكە اسىرۋعا بارىنشا قوعامدىق باقىلاۋدى قامتاماسىز ەتۋگە نيەتتىمىز. ويتكەنى الەمدىك داعدارىس پەن رەتسەسسيا جاعدايىنداعى ءبىزدىڭ ەلىمىزدىڭ قارجىلىق مۇمكىندىكتەرى شەكسىز ەمەس.

قازاقستان حالقى اسسامبلەياسى ەلىمىزدىڭ بارلىق ازاماتتارىن مەملەكەت باسشىسى بەلگىلەگەن تاپسىرمالاردى ورىنداۋعا جوعارى جاۋاپكەرشىلىكپەن قاراۋعا، ولاردى ءتيىمدى ىسكە اسىرۋ ءۇشىن سانالىلىق تانىتىپ، ىنتىماقتىڭ جانە بەلسەندى ازاماتتىق ۇستانىمنىڭ ۇلگىسىن كورسەتۋگە شاقىرادى.

قازاقستان حالقى اسسامبلەياسى بۇگىنگى تاڭدا ءبىزدىڭ ارقايسىمىز حالقىمىزعا جانە ەلىمىزگە تونگەن سىن ساعاتتاردا قيىندىقتاردى جەڭۋ جولىندا ءوزارا كومەك پەن ىزگىلىك جانە ىنتىماقتاستىق ۇلگىسىن كورسەتۋ ءۇشىن كۇش-جىگەر مەن مۇمكىندىكتەر تاباتىنىنا سەنىم بىلدىرەدى. 

تەك وسىلاي عانا ءبىز قالىپتاسقان كۇردەلى جاعدايدى ەڭسەرۋگە ءبارىمىز بىرلەسە قول جەتكىزەمىز.

 

قازاقستان حالقى اسسامبلەياسىنىڭ كەڭەسى

 

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار