كومىر ەنەرگەتيكالىق جانە ونەركاسىپتىك كاسىپورىندارعا تىكەلەي شارت بويىنشا كومىر رازرەزدەرىنىڭ جونەلتىلۋ باعاسىمەن جىبەرىلەدى. كوممۋنالدىق-تۇرمىستىق تۇتىنۋشىلار جانە حالىققا كومىردىڭ نەگىزگى كولەمى تاۋار بيرجالارى ارقىلى ساتىلادى. كوممۋنالدىق-تۇرمىستىق قاجەتتىلىك جانە حالىق ءۇشىن كومىر باعاسى كومىر رازرەزىنىڭ جونەلتۋ باعاسىنان (ازىرلەۋ جاعدايىنا بايلانىستى تونناسىنا 3-6 مىڭ تەڭگە), تاسىمالداۋعا كەتكەن تەمىر جول تاريفتەرىنەن, جىلجىمالى قۇرامدى كۇتىپ-ۇستاۋ, كومىردىڭ بيرجالىق قۇنىنان, سونداي-اق حالىققا جەتكىزەتىن دەلدالدىق ۇيىمداردىڭ جانە جەكە تۇلعالاردىڭ مارجاسىنان قالىپتاسادى.
ەلىمىزدە كومىر ونەركاسىبىن دامىتۋ ماقساتىندا وتكەن جىلى 2019-2021 جىلدارعا ارنالعان جول كارتاسى بەكىتىلدى, سونداي-اق 2019-2020 جىلدارعا ارنالعان كوممۋنالدىق-تۇرمىستىق قاجەتتىلىكتەر مەن حالىققا ارنالعان كومىر ونىمدەرىنە قاجەتتىلىك جوسپارى جاسالدى. 2020 جىلعى 20 ناۋرىزداعى جاعداي بويىنشا جىلدىق جوسپارعا (2019 جىلعى 1 مامىردان باستاپ 2020 جىلعى ساۋىرگە دەيىن) سايكەس كومىر قورىمەن قامتاماسىز ەتۋ 99,7%-دى قۇرايدى.
اقتوبە, شىعىس قازاقستان, جامبىل, باتىس قازاقستان, قاراعاندى, قوستاناي, قىزىلوردا, پاۆلودار, الماتى وبلىستارى, الماتى جانە شىمكەنت قالالارىنىڭ اكىمدىكتەرى كوممۋنالدىق-تۇرمىستىق سەكتور ءۇشىن كومىردىڭ جىلدىق جەتكىزۋ كەستەسىن تولىعىمەن قامتاماسىز ەتتى.
سونداي-اق باتىس قازاقستان, قىزىلوردا, قوستاناي, پاۆلودار, اقمولا, الماتى, جامبىل, شىعىس قازاقتان, سولتۇستىك قازاقستان وبلىستارىنىڭ جانە شىمكەنت, الماتى جانە نۇر-سۇلتان قالالارىنىڭ اكىمدىكتەرى حالىق ءۇشىن كومىردىڭ جىلدىق جەتكىزۋ كەستەسىن تولىعىمەن ورىندادى.
ايتا كەتۋ كەرەك, قازاقستاندا 2020 جىلى 120 ملن توننا كومىر ءوندىرۋ جوسپارلانعان. وسىلايشا ەلدىڭ ىشكى نارىعىنا 82 ملن توننا, ەكسپورتقا 38 ملن توننا كومىر جەتكىزىلەتىن بولادى.
