ەلوردا • 02 ءساۋىر، 2020

«رامادا پلازا» كەشەنى زارارسىزداندىرىلدى

21 رەتكورسەتىلدى

قازىرگى تاڭدا كوروناۆيرۋس ينفەكتسياسىنا شالدىقتى دەگەن كۇدىككە ىلىنگەن پاتسيەنتتەرگە ارنالعان كاراتيندىك ستاتسيونار قۇرىلعان «رامادا پلازا» قوناق ءۇي كەشەنىنىڭ اۋماعىندا اۋقىمدى زارارسىزداندىرۋ شارالارى وتكىزىلدى، دەپ حابارلايدى ەلوردا اكىمدىگىنىڭ رەسمي سايتى. 

«بۇل جەردە ادامدار كارانتيندە جاتقاندىقتان، ءبىز زارارسىزداندىرۋ جۇمىستارىنا جۇزدەن استام ادام مەن مامانداندىرىلعان تەحنيكانىڭ 12 بىرلىگىن جۇمىلدىردىق. مۇنداي شارالاردى جوسپارعا سايكەس اپتاسىنا 2 رەت وتكىزەمىز»، – دەيدى دەزينفەكتسيالاۋشى قۋانىش تانكەەۆ.

ونىڭ ايتۋىنا قاراعاندا، نىسانداردى زارارسىزداندىرۋ ءۇشىن پايدالانىلاتىن حيميالىق قۇرالدىڭ قورشاعان ورتاعا زيانى جوق، ەكولوگيالىق نورمالارعا دا ساي.

ەسكە سالايىق، «رامادا پلازا» قوناق ءۇي كەشەنىندە قازىرگى تاڭدا 800 ورىنعا لايىقتالعان كارانتيندىك ستاتسيونار قۇرىلعان. مۇندا كوروناۆيرۋس ينفەكتسياسىنا شالدىققان ناۋقاستارمەن قارىم-قاتىناستا بولعان ازاماتتار 14 كۇندىك كارانتيندە جاتىر.

الايدا بۇل پاتسيەنتتەردەن الىنعان اناليزدەر ۆيرۋستىڭ جوقتىعىن كورسەتتى. ولاردىڭ جاعدايى دارىگەلەردىڭ ءجىتى باقىلاۋىندا. جالپىلاي العاندا، قالاداعى زارارسىزداندىرۋ شارالارىنا كۇن سايىن 450-گە جۋىق ادام قاتىسادى.

بۇل جۇمىستارعا قالالىق قىزمەتتەردەن بولەك، قازاقستاننىڭ قارۋلى كۇشتەرى بيولوگيالىق قورعانىس بولىمدەرىنىڭ اسكەري قىزمەتكەرلەرى جۇمىلدىرىلادى.

تازالىق جۇمىستارىن جۇرگىزۋ بارىسىندا الەۋمەتتىك نىساندار، بازارلار، سۋپەرماركەتتەر، جاياۋ جۇرگىنشىلەر ارنالعان جولدار، اۋلالار، بالالارعا ارنالعان ويىن الاڭدارى، ۇيلەردىڭ كىرەبەرىستەرى سياقتى ادامدار كوپ جينالاتىن جەرلەرگە ەرەكشە كوڭىل بولىنەدى.

سوڭعى جاڭالىقتار

ۇقساس جاڭالىقتار