ەلوردا • 02 ءساۋىر، 2020

دارىگەرلەرگە العىس ءبىلدىردى

339 رەتكورسەتىلدى

نۇر-سۇلتاندا كوروناۆيرۋستان ساۋىعىپ شىققان ازاماتتاردىڭ سانى 16-عا جەتسە، جالپى قازاقستان بويىنشا 27 ادامعا جەتىپ وتىر. دارىگەرلەردىڭ باقىلاۋىمەن ستاتسيوناردا بولعان پاتسيەنتتەر مەديتسينالىق قىزمەتكەرلەرگە كاسىبي قىزمەتى مەن كورسەتكەن قامقورلىعى ءۇشىن العىس ايتتى.

«مەن كارانتيندە 14 كۇن بولدىم. بۇگىن سوڭعى كۇنىم، بارلىق مەديتسينالىق قىزمەتكەرلەرگە، دارىگەرلەرگە العىس بىلدىرەمىن. ولار بىزگە قامقور بولا ءبىلدى. تاماقتارى وتە ءدامدى. ەل تۇرعىندارىنا ايتارىم: كارانتيندى ەلەمەۋگە بولمايدى. اسا جاۋاپكەرشىلىكپەن قاراڭىز! كۇش-قۋاتىمىز-بىرلىكتە!» دەدى ستاتسيوناردا جاتقان پاتسيەنت.

كوروناۆيرۋس ينفەكتسياسىنىڭ تارالۋىنا جول بەرمەۋ ءۇشىن ستاتسيوناردان شىققان پاتسيەنتتەر تاعى 14 كۇن بويى ءۇي كارانتينىندە بولادى.

«مەن شەتەلدەن ۇشىپ كەلدىم، مەنى كارانتينگە جاتقىزدى. COVID-19 ساراپتاماسىنىڭ ناتيجەسى تەرىس بولىپ شىقتى. كارانتيندە بارلىق جاعداي جاسالدى، وتە ىڭعايلى بولدى. دارىگەرلەر جاعدايىمدى كۇنىگە تەكسەرىپ، مەنىڭ  تەمپەراتۋرام مەن دەنە قىسىمىمدى ولشەپ جاتىر. كۇنىنە بەس رەت ءدامدى تاماق بەرەدى. ەلىمىزدىيۋە وسىنداي دارىگەرلەر مەن مەدبيكەلەر بار ەكەنىنە وتە قۋانىشتىمىن» دەپ تاعى ءبىر ەمدەلۋشى مەديتسينا قىزمەتكەرلەرىنە ءوز العىسىن ءبىلدىردى.

كوروناۆيرۋسپەن كۇرەسىپ جاتقان مەديتسينا قىزمەتكەرلەرى سىياقى الدى. پرەزيدەنت ق. توقاەۆتىڭ تاپسىرماسىن ورىنداۋ اياسىندا مەملەكەتتىك كوميسسيا ەپيدەمياعا قارسى ءىس-شارالارعا تارتىلعان مەديتسينا قىزمەتكەرلەرىنىڭ ەڭبەكاقىسىنا اي سايىنعى بەكىتىلگەن ۇستەمە اقى بەلگىلەۋ تۋرالى شەشىمدى بەكىتتى.

تولەمدەر كوروناۆيرۋستى جۇقتىرۋ قاۋپى بار ءۇش توپ بويىنشا 3 ايدىڭ ىشىندە جۇرگىزىلەدى:

«قاۋىپتىلىگى اسا جوعارى» — رەانيماتسيا بولىمشەلەرىن قوسا العاندا، ينفەكتسيالىق ستاتسيونارلاردىڭ دارىگەرلەرى، ورتا جانە كىشى مەديتسينا قىزمەتكەرلەرى. ۇستەمە اقى 20 ەڭ تومەنگى جالاقىنى قۇرايدى (جالاقىنىڭ ەڭ تومەنگi مولشەرi (جتم)، 850 مىڭ تەڭگە).

«قاۋىپتىلىگى جوعارى» – پروۆيزورلىق ستاتسيونارلار مەن جەدەل جاردەم دارىگەرلەرى، ورتا جانە كىشى مەديتسينا قىزمەتكەرلەرى. ۇستەمە اقى 10 جتم (425 مىڭ تەڭگە) قۇرايدى. 

 «قاۋىپتىلىگى ورتاشا» – كارانتيندىك ستاتسيونارلارداعى دارىگەرلەر، ورتا جانە كىشى مەديتسينا قىزمەتكەرلەرى، سانيتارلىق دارىگەرلەر (مەملەكەتتىك قىزمەتكەرلەر)، جەدەل جاردەم جۇرگىزۋشىلەرى جانە ت. ب. ۇستەمە اقى 5 جتم (212،5 مىڭ تەڭگە) قۇرايدى.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار