مەن ۇندەۋدى ەڭ الدىمەن حالىقتىڭ ءومىرى مەن دەنساۋلىعىنا دەگەن لايىقتى كوڭىل ءبولۋ, ماڭىزدى قادام دەپ ءتۇسىندىم. ەكىنشىدەن, ۇيدەگى كارانتيندە جاتقان جۇرتتىڭ جايىن رەتتەۋ دەپ قابىلدادىم. بۇعان دەيىن ۇكىمەتتەن جالاقى الىپ وتىرعان مەملەكەتتىك قىزمەتكەرلەر عانا ەمەس, جەكە كاسىپكەرلەرگە دە وتەماقى تولەۋدى قاراستىرىپ جاتىر. بۇل كومەك ەلدەگى قالىپتى كەزەڭدە كورسەتىلمەگەن, داعدارىس ۋاقىتىندا بەرىلىپ وتىر. مۇنىڭ ءوزى وڭاي شارۋا ەمەس.
بۇدان بولەك پرەزيدەنت ۇندەۋدە بولاشاقتاعى جۇمىستاردى دا الدىن الا باعدارلاپ وتىر. بىرقاتار ەل وسى داعدارىستان شىعىپ كەلەدى, ءبىز دە شىعامىز. بىراق ماڭىزدىسى – داعدارىستان كەيىنگى جۇمىس. ايتالىق, ەگىستىك جۇمىستارىنا ايرىقشا كوڭىل ءبولىپ, بەنزين باعاسىن 15 پايىزعا دەيىن تومەندەتتى. بۇل – ديحاندار مەن شارۋالار ءۇشىن ۇلكەن قولداۋ. ويتكەنى ءبىز كوكتەمدە ەگىندى جاقسىلاپ ەكپەسەك, كۇزدىڭ كۇنى ازىق-ت ۇلىكتىڭ باعاسى بىردەن شارىقتاپ شىعا كەلەدى. ال مۇنداي جاعداي ءوزى داعدارىستان شىققان حالىققا ودان سايىن سوققى بولماي ما؟
ەلدەگى وسى جاعدايعا بايلانىستى ۇندەۋ الداعى ۋاقىتتا تاعى دا جاريالانادى دەپ سەنەمىن. سەبەبى جوعارىدا ايتقانىمداي, داعدارىستان كەيىنگى پروبلەمالاردى شەشۋدىڭ جولدارى ناقتى بەلگىلەنۋى كەرەك.
