جيىن بارىسىندا مينيستر ەلىمىزدە 42 500 تەڭگەلىك تولەمدى الۋ ءۇشىن ەشقانداي قۇجاتتىڭ قاجەتى جوق ەكەنىن ايتتى.
ء«بىز جۇمىس بەرۋشىلەردى جۇمىس ورىندارىن, جۇمىسشىلاردىڭ جالاقىسىن ساقتاۋعا, قاشىقتان جۇمىس ىستەۋگە مۇمكىندىك بەرۋگە جانە اقىلى ەڭبەك دەمالىسىنا جىبەرۋگە شاقىرعان بولاتىنبىز. بىراق وكىنىشكە قاراي, كوپشىلىك مەكەمە, اسىرەسە ورتا جانە شاعىن بيزنەس وكىلدەرىنىڭ بۇل تالاپتاردى ورىنداۋعا مۇمكىندىگى بولماي وتىر. ولار جۇمىسشىلارىن اقىسىز دەمالىسقا جىبەرۋگە, ءتىپتى قىسقارتۋعا ءماجبۇر. ونىڭ ۇستىنە ەلىمىزدە ءوز بەتىنشە جۇمىس ىستەپ جۇرگەن ازاماتتار دا تابىسىنان ايىرىلۋدا. ەلىمىزدە ستاتيستيكا بويىنشا ءوزىن ءوزى جۇمىسپەن قامتىعان 2 ملن ادام بار. وسىعان بايلانىستى پرەزيدەنتتىڭ 23 ناۋرىزداعى تاپسىرماسىنا سايكەس توتەنشە جاعدايدا مەملەكەتتىك ساقتاندىرۋ قورىنان تابىسىنان ايىرىلعان ازاماتتارعا 42 500 تەڭگە الەۋمەتتىك تولەم ەنگىزىلدى. قازىر 1 مىڭنان استام ادام ونى الا باستادى», دەدى ب.نۇرىمبەتوۆ.
ءمينيستردىڭ مالىمەتىنشە, مەملەكەت باسشىسى وسى الەۋمەتتىك تولەمدى الۋ ماسەلەسىن جەڭىلدەتۋدى تاپسىرعان.
«وسىعان بايلانىستى ءتارتىپتى وزگەرتۋدەمىز. سونىمەن بۇگىن مەملەكەتتىك ساقتاندىرۋ قورىنان 42 500 تەڭگەنى كىم الادى؟ ول بىرىنشىدەن جالدامالى قىزمەتكەرلەر – ورتا جانە شاعىن كاسىپورىنداردا اقىسىز دەمالىسقا جىبەرىلگەن جۇمىسشىلار. كارانتين جاريالانعان قالالاردا بۇل ساناتقا ءىرى كاسىپورىندار دا جاتادى. ەكىنشىسى – جەكە تۇلعالار, ءوز بەتىنشە جۇمىسپەن قامتىلعاندار. ولاردىڭ ىشىندە جەكە كاسىپكەرلەر بار – 1,5 ملن ازامات. جەكە پراكتيكامەن اينالىسىپ جۇرگەن (جەكە ادۆوكاتتار, سوت ورىنداۋشىلار, نوتاريۋستار) 2 مىڭنان استام ازامات, 180 مىڭ فريلانسەر بار. ولار دا تابىستارىنان ايىرىلۋدا. سوڭعى 12 ايدا بىرىڭعاي جيىنتىق كولەمىن تولەگەن 316 مىڭ ادام بار»,
دەدى ول.
الەۋمەتتىك تولەمدى الۋ ءۇشىن ازاماتتارىمىز نە ىستەۋى كەرەك؟ قايدا جانە قانداي قۇجات تاپسىرۋ كەرەك؟
«بىرىنشىدەن, ەندى ەشقانداي قۇجاتتى تاپسىرۋدىڭ قاجەتى جوق. تەك ءوتىنىش بەرىلەدى. جۇمىس بەرۋشى ءوزىنىڭ وتىنىشىندە جۇمىسشىلارىنىڭ ءتىزىمىن قوسادى. بۇل جەردە تابىستان ايىرىلعاننىڭ توتەنشە جاعدايعا بايلانىستى ەكەنىن ەشكىمگە دالەلدەۋدىڭ قاجەتى جوق. وتىنىشتە كورسەتىلگەن مالىمەتتەر قابىلدانادى. ەكىنشىدەن, ءبارى ەلەكتروندى تۇردە بولادى», دەدى مينيستر.
سونىمەن قاتار ول تولەمدى الۋعا بولاتىن ارنايى سايتتىڭ اشىلاتىنىن مالىمدەدى.
«42 500 تەڭگەنى الۋ بويىنشا حالىقتان سۇراق كوپ كەلىپ جاتىر. Egov.kz پورتالىنا كوپ ادام كىرە المايتىنىن ايتۋدا. سول ءۇشىن وسى كۇنگە دەيىن كەلە جاتقان egov.kz پورتالىنداعى ەلەكتروندى ءوتىنىش سەرۆيسىندە ءوتىنىشىڭىزدى تولتىرۋعا مۇمكىندىك بار. بۇل جەردە فايلدى تىركەۋ تۋرالى تالاپ الىنىپ تاستالادى. ەلەكتروندى وتىنىشكە تەك قانا ءوزىڭىز تۋرالى مالىمەتتى, جەكە ءنومىرىڭىز بەن كارتوچكالىق ەسەپشوتىڭىزدى ەنگىزەسىز», دەدى ب.نۇرىمبەتوۆ.
ءمينيستردىڭ ايتۋىنشا, ەتسق-مەن قاتار سمس ارقىلى پارول الىپ, ءوز قولتاڭباڭىزدى قويۋعا بولادى.
«ەلەكتروندى ۇكىمەت پورتالىنا قازىر كوپ ادام كىرە الماي جاتىر. سوندىقتان ەڭبەك جانە حالىقتى الەۋمەتتىك قورعاۋ مينيسترلىگى بتس كومپانياسىمەن بىرلەسە وتىرىپ, 42 500 تەڭگەنى الۋعا ارنالعان ارنايى سايت اشامىز. بۇل سايتتا ازاماتتار ءوز ءوتىنىش قالدىرا الادى. سايت ەرتەڭ ىسكە قوسىلادى», دەدى ول.
ەڭبەك جانە حالىقتى الەۋمەتتىك قورعاۋ ءمينيسترى اي سايىن ازىق-ت ۇلىك توپتاماسىن الاتىن ازاماتتاردىڭ ساناتىن اتادى
«مەملەكەت باسشىسى ازىق-ت ۇلىك توپتاماسىن الاتىن ازاماتتاردىڭ ساناتىن بەلگىلەۋ جونىندە مىندەت جۇكتەدى. ازىق-ت ۇلىك توپتاماسىن الۋ مۇمكىندىگى كىمگە بەرىلەدى؟ ونى اتاۋلى الەۋمەتتىك كومەك الىپ جۇرگەن وتباسىنداعى بارلىق بالا الادى. بارلىق توپ بويىنشا مۇگەدەكتەر (ەلىمىزدە 695 مىڭ) دە, مۇگەدەك بالانى قاراپ وتىرعان اتا-انا, رەسمي تۇردە تىركەلگەن جۇمىسسىز ادامدار دا ازىق-ت ۇلىك توپتاماسىنا يە بولادى. قازاقستاندا ايىنا شامامەن 1,5 ملن ادامعا ازىق-ت ۇلىك توپتاماسى بەرىلەدى. ونى ءىس جۇزىنە جەرگىلىكتى اكىمدەر ىسكە اسىرادى», دەدى ب.نۇرىمبەتوۆ.
