ايماقتار • 01 ءساۋىر، 2020

الماتىدا مۇعالىمدەر مەن وقۋشىلارعا 10 مىڭنان استام كومپيۋتەر بەرىلدى

147 رەتكورسەتىلدى

الماتىدا قاشىقتان وقىتۋ ءۇشىن مۇعالىمدەر مەن وقۋشىلارعا 10 مىڭنان استام كومپيۋتەر بەرىلدى. بۇل تۋرالى بۇگىن الماتى اكىمى باقىتجان ساعىنتاەۆ ءوزىنىڭ الەۋمەتتىك پاراقشاسىندا جازدى.

«بۇل كارانتين كۇندەلىكتى ومىرىمىزدەگى بارلىق سالاعا، سونىڭ ىشىندە ءبىلىم بەرۋ پروتسەسىنە دە وزگەرىس ەنگىزدى. توتەنشە جاعداي رەجيمىنىڭ ءبىرىنشى كۇنىنەن-اق مەكتەپتەردى قاشىقتان وقىتۋعا كوشىرۋگە دايارلاي باستادىق. ەڭ الدىمەن مۇعالىمدەرگە ارنالعان ترەنينگتەر ءوتىپ، 99% نەمەسە 273 مىڭ وقۋشىنى قامتىعان سىناق ساباقتارى ۇيىمداستىرىلدى. «الماتى» تەلەارناسىنان كورسەتۋگە بولاتىن 100-دەن اسا بەينەساباق ازىرلەندى»،- دەپ جازدى اكىم. سونداي-اق، ول قاشىقتان وقىتۋ ءۇشىن مۇعالىمدەر مەن وقۋشىلارعا 10 مىڭنان استام كومپيۋتەر بەرىلگەنىن ايتتى. تەحنيكالىق جابدىققا كەلەر بولساق، كارانتين كەزىندە مەكتەپتەردەگى 10 مىڭنان استام كومپيۋتەر مۇعالىمدەر مەن وقۋشىلارعا بەرىلدى. قوسىمشا ءۇش مىڭ نوۋتبۋكتى ساتىپ الۋ ماسەلەسى شەشىلۋدە. ۇيىندە ءتورت جانە ودان دا كوپ وقۋشى بالاسى بار جانە بارلىعىنىڭ ءبىر كومپيۋتەردەن ءبىلىم الۋعا شاماسى جەتەتىن وتباسىلار بار. ولاردى قوسىمشا تەحنيكامەن قامتاماسىز ەتەتىن بولامىز. بايلانىس وپەراتورلارىمەن بىرلەسىپ، ءتورت مىڭ وقۋشى مەن 700 مۇعالىمگە عالامتور جەلىسىنىڭ قولجەتىمدى بولۋىن قاراستىرۋدامىز»،– دەيدى باقىتجان ساعىنتاەۆ.

باقىتجان ساعىنتاەۆ اتا-انالاردان قولداۋ كورسەتۋلەرىن سۇراي كەلە: «اتا-انالاردىڭ بالالارعا قولداۋ كورسەتىپ، مۇعالىمدەردىڭ ونلاين ساباعىن وتكىزۋىنە كومەكتەسۋىن سۇرايمىن. ۇيدە وتىرساق تا، ءوزىمىزدى جان-جاقتى دامىتىپ، ءارى كوروناۆيرۋستىڭ بەلەڭ الماۋىنا ۇلەس قوسىپ جاتىرمىز»، دەپ جازادى.

 

 

الماتى

سوڭعى جاڭالىقتار

ۇقساس جاڭالىقتار