تانىم • 02 ءساۋىر، 2020

بەتپەردە كيگەن كوكتەم - 3

284 رەتكورسەتىلدى

3.

كارانتين. رەداكتسيا. كۇن وعان قاراي ما، 06:47-دە شىعىپ العان. الەم ۇيىندە وتىر. الەمنىڭ ءۇيى – جەر شارى. ءبارىمىزدىڭ ءۇيىمىز. سونشا ۇلكەن كورىنۋشى ەدى، العاش اينالعاندار 80 كۇن ءجۇرىپ ەدى، سويتسەك، ءبىر عانا بولمە ەكەن عوي. ءبىر ۇلكەن قوناق بولمەسى. تار، تىمىرسىق. شىندا تۇشكىرگەندى ماشىن ەستيدى، امەريكا جوتەلسە، افريكادا بىرەۋ اتتان اۋىپ تۇسەدى. قۇلاعىڭا ءپىل تۇشكىرگەندەي.

سۋرەتتى تۇسىرگەن ەرلان ومار، «EQ»

ءالى دە كۇن شىقتى دەيمىز. شىن مانىندە، كۇنگە شىعامىز. كۇن باتپايدى، كۇننەن باتامىز. سەبەبى، كۇن – ورنىندا، جەر اينالىپ تۇر. اينالىپ، كۇنگە شىعادى. وسىدان بەس عاسىر بۇرىن وسى ءۇشىن برۋنوڭىز دا، كوپەرنيگىڭىز دە، گاليلەيىڭىز دە ازاپ قۇشىپ ەدى. ءبىرىن وتقا جاعىپ، ءبىرىن ۇيگە قاماعان. ۇيدە وتىرعانداردى ويلاعاندا، سول ءۇشىن ۇيقاماقتا وتىرعان گاليلەيدى دە ويلاپ قويامىز. «نە دەسەڭىز دە، جەر اينالادى!» دەگەن كوپەرنيكتىڭ دە ىشقىنعان ءۇنى ەستىلە مە، قالاي...

ءتىل – ءتىرى ورگانيزم، وسەدى، وزگەرەدى، قۇبىلادى، ولەدى. ەۋروپانىڭ كوپ حالقى east، ost دەيتىن، سلاۆيان تەكتەس حالىقتار ۆوستوك دەپ جۇرگەن شىعىس، كۇنشىعىسىمىز سول باياعى كارى دە ارداقتى گرەكتىڭ anatolē ءسوزى ەكەن. انادولى، تۇركياداعى. كۇننىڭ شىعاتىن جەرى. تىنىش تۇرعان كۇندى قۇلايدى دەپ جۇرگەن دە تاعى ەسكى سلاۆيان ءتىلى. زاپاد – زاپاداتي – پادات. وعان قاراعاندا ءبىز قۇلاتپايمىز، جاي عانا باتىرىپ جىبەرەمىز. تاۋدان شىعادى، تەڭىزگە باتادى دەگەندەي. وسىدان-اق ادامزاتتىڭ ساناسى العاشقى قاۋىمدىق قۇرىلىستاعى، ودان كەيىن اڭىزدار، ەپوستار داۋىرىندەگى سابيلىك تۇسىنىكتەردى ءالى دە ساقتاپ قالعانىن اڭعارۋعا بولادى. نەسى بار، تىم ەسەيىپ كەتكەن دە جاقسى ەمەس، سابيلىك، بالالىقتان ءبىر بەلگى قالۋ كەرەك.

ۇيدە قالىڭىز دەسە، ۇيدە قالامىز. ۇيدە وتىرىڭىز دەسە، ۇيدە وتىرامىز. اتا-انامىز بالا كۇنىمىزدە دە سولاي ايتپاۋشى ما ەدى. سودان جامان بولعان جوقپىز. قاڭعىمادىق. كىتاپ وقىدىق، ونەر ۇيرەندىك.

بەتپەردە كيگەن كوكتەم. بارلىق ادامدار ءبىر كەزدە بالا بولعان. ەسەيىپ كەتكەن بالالار. ءبىر بولمەدەگى جەتى ميلليارد بالا.

سوڭعى جاڭالىقتار

ۇقساس جاڭالىقتار