سپورت • 01 ءساۋىر، 2020

فۋتبول: انگليادا ارپالىس باستالدى

21 رەت كورسەتىلدى

وسىدان ءبىراز ۋاقىت بۇرىن انگليا پرەمەر-ليگاسىندا (اپل) ونەر كورسەتەتىن «ۆەست حەم» كلۋبىنىڭ ۆيتسە-پرەزيدەنتى كاررەن برەيدي بيىلعى چەمپيوناتتى توقتاتىپ، وسىعان دەيىن تىركەلگەن ناتيجەلەردى ەسەپكە الماۋ جايىندا ۇسىنىس بىلدىرگەن ەدى.

ونىڭ پىكىرىنشە، چەمپيوناتتى جالعاستىرۋدى ەش قاجەتى جوق. سەبەبى، كوروناۆيرۋستىڭ كەسىرىنەن جاريالانعان ۇزىلىستەن كەيىن ايتۋلى جارىستىڭ ءمانى مەن ماڭىزى جوعالدى. ودان گورى ىندەت سەيلىپ، جاعداي وڭالعاننان كەيىن بىردەن 2020/21 جىلعى ماۋسىمدا باستاپ كەتكەن ءجون. 

مىنە، كاررەن برەيدي مىرزا وسىنداي پىكىر ايتتى. ءبىر قىزىعى، ونىڭ بۇل يدەياسىن اپل-دا كۇش سىناسىپ جۇرگەن ءتورت بىردەي كوماندا تولىقتاي قۇپتاپ وتىر. ءبىر قىزىعى، جوعارىداعى ۇسىنىستى قولداعانداردىڭ بارلىعى دا جارىس كەستەسىنىڭ تومەنگى جاعىندا جۇرگەن كلۋبتار. 

دەسەك تە اپل-دىڭ كوپتەگەن كوماندالارى بيىلعى ماۋسىمدى قالاي دا جالعاستىرۋ قاجەتتىگىن العا تارتۋدا. ولار ادەتتەگىدەي بارلىق تۋر وينالىپ، جەڭىمپازدار مەن جۇلدەگەرلەر، چەمپيوندار ليگاسى مەن ەۋروپا ليگاسىندا وينايتىندار جانە تومەنگى توپقا تۇسەتىن ۇجىمدار انىقتالۋعا ءتيىس دەپ ەسەپتەيدى. 

انگليانىڭ فۋتبول ليگاسىنىڭ باسشىلارى مەن مۇشەلەرى دە ءدال سونداي پوزيتسيانى ۇستانۋدا. جارىستى جارتى جولدا توقتاساق، بىرىنشىلىكتىڭ بەرەكەسى كەتەدى. جانكۇيەرلەردىڭ سەىنىمىنە سەلكەۋ تۇسەدى. ەڭ ءبىرىنشى كەزەكتە، بۇل – ەلدىگىمىزگە سىن. سونىمەن قاتار، وسىعان دەيىنگى ناتيجەلەر جويىلىپ، چەمپيونات توقتالاتىن بولسا، اپل 1،2 ميلليارد فۋنتتان قاعىلادى.  

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • 10 شىلدە، 2020

پنەۆمونياعا باسقا اتاۋ بەرىلۋى مۇمكىن

كوروناۆيرۋس • 10 شىلدە، 2020

كوروناۆيرۋس ىندەتى 3 كەزەڭنەن تۇرادى

كوروناۆيرۋس • 10 شىلدە، 2020

ۇقساس جاڭالىقتار