«قىمباتتى ارىپتەستەر, ەلىمىز ءۇشىن قيىن-قىستاۋ ساتتەردە وتاندىق ەكونوميكانى تۇراقتاندىرۋ, سايلاۋشىلارىمىزدى, جەرگىلىكتى تاۋار وندىرۋشىلەردى, جۇمىس جانە قىزمەت بەرۋشىلەردى قولداۋ جونىندەگى مەملەكەت قابىلداعان نەگىزگى ۇستانىمدار مەن شارالاردى تۇسىندىرۋدە كۇش-جىگەردى بىرىكتىرۋدى وتىنەمىن. قازاقستان رەسپۋبليكاسى پرەزيدەنتىنىڭ 2020 جىلعى 15 ناۋرىزداعى «قازاقستان رەسپۋبليكاسىندا توتەنشە جاعدايدى ەنگىزۋ تۋرالى» №285, 2020 جىلعى 16 ناۋرىزداعى «ەكونوميكانى تۇراقتاندىرۋ جونىندەگى ودان ارعى شارالار تۋرالى» №287 جارلىقتارىنا سايكەس ۇكىمەت سالىق-بيۋدجەت ساياساتى ماسەلەلەرىن رەتتەۋگە, سونداي-اق مەملەكەتتىك ساتىپ الۋدىڭ ارنايى ءتارتىبىن ايقىنداۋعا باعىتتالعان قاۋلىلار قابىلدادى», - دەپ اتاپ ءوتتى ت. مۇقاشەۆ.
سەناتور بۇل اكتىلەر قازاقستان رەسپۋبليكاسىندا توتەنشە جاعداي ەنگىزىلگەن كەزەڭدە قابىلدانعانىن جانە جەرگىلىكتى جەرلەردە ءتۇسىندىرۋ جۇمىستارىن جۇرگىزۋ تالاپ ەتىلەتىنىن اتاپ ءوتتى. ۇكىمەت اكتىلەرىنىڭ ماتىندەرى بۇقارالىق اقپارات قۇرالدارىندا جاريالانعان ءارى «ماسليحاتتارمەن جۇمىس» ۆەب-پورتالىندا ورنالاستىرىلعان.
«ەلىمىزدىڭ پرەزيدەنتى ق.ك.توقاەۆ ورتالىق جانە جەرگىلىكتى باسقارۋ ورگاندارىنا شاعىن جانە ورتا بيزنەستى قولداۋدى, تۇقىم سەبۋ ناۋقانى كەزەڭىندە اۋىل شارۋاشىلىعى ونىمدەرىن وندىرۋشىلەرگە جاردەمدەسۋدى تاپسىرعان بولاتىن. سىزدەردىڭ ارقايسىلارىڭىز بۇل ىستەن شەت قالمايتىندارىڭىزعا جانە بەلگىلەنگەن جوسپاردى ىسكە اسىرۋعا ءوز ۇلەستەرىڭىزدى قوساتىندارىڭىزعا, سونداي-اق وكرۋگتەردەگى اعا بۋىن وكىلدەرىنە, زەينەتكەرلەرگە, كوپ بالالى وتباسىلارعا جانە حالىقتىڭ باسقا دا الەۋمەتتىك ءالسىز توپتارىنا جان-جاقتى قولداۋ, قايىرىمدىلىق جانە ماتەريالدىق كومەك ۇيىمداستىرۋعا جاردەمدەسەدى دەپ سەنەمىن», - دەدى ت.مۇقاشەۆ.
