وسىلايشا, حالىقارالىق باكالاۆريات (IB) نازارباەۆ زياتكەرلىك مەكتەبىنىڭ وقۋشىسى ادەلينا ەلەمەسوۆا پليۋشش ليگاسىنىڭ ەكى بىردەي ۋنيۆەرسيتەتىنىڭ بولاشاق ستۋدەنتى اتانىپ شىعا كەلدى.
پليۋشش ليگاسىنىڭ كولۋمبيا جانە كورنەلل سياقتى ەڭ ايگىلى ۋنيۆەرسيتەتتەرى قازاقستاندىق تۇلەكتى ستۋدەنت رەتىندە قابىلداۋعا دايىن. سونىمەن قاتار تالاپتى جاس Northwestern University (اقش), Amherst College (اقش), YaleNUS (سينگاپۋر), Duke Kunshan University (قىتاي) وقۋ ورىندارىنان شاقىرتۋ الدى.
بۇگىنگى كۇندەرى ادەلينا قاي ۋنيۆەرسيتەتتى تاڭدايتىنى تۋرالى شەشىم قابىلدايدى. دەگەنمەن دارىندى قىز ءوزىنىڭ ماماندىعى عىلىم جانە جاساندى ينتەللەكتپەن بايلانىستى بولاتىنىن انىق بىلەدى.
نۇر-سۇلتان قالاسىنداعى حالىقارالىق باكالاۆريات (IB) نازارباەۆ زياتكەرلىك مەكتەبىنىڭ 12-سىنىپ وقۋشىسى ادەلينا ەلەمەسوۆا – ەرىكتىلەر قوزعالىسىنىڭ جانە TEDx جوبالاردىڭ بەلسەندى قاتىسۋشىسى, تەننيستەن قالالىق جانە رەسپۋبليكالىق تۋرنيرلەردىڭ چەمپيونى.
الماتى
