عالىمدار وزدەرى ازىرلەگەن ەكى ءتۇرلى تەست جيناعىن قولداناتىن باعدارلامالار كومەگىمەن اۋرۋدىڭ ەلگە قالاي اسەر ەتەتىنىن, تارالۋ قارقىنىن بولجاۋعا بولاتىنىن ايتادى. زەرتتەۋشىلەر توبى ينفەكتسيانىڭ جاڭا جاعدايلارى قايدا جانە قاشان پايدا بولاتىنىن تەزىرەك ءتۇسىنۋ كەرەكتىگىن اتاپ ءوتتى. سونىمەن قاتار عالىمدار اۋرۋدىڭ كەلەسى ايلارداعى احۋالىن پايىمداي الۋدىڭ, الدىن-الا بەلگىلى بولماسا دا ونى جۇقتىرعان ادامداردى انىقتاۋدىڭ وتە ماڭىزدى ەكەنىن جەتكىزدى. ەكى بولەك تەست وسى جەكە ماقساتتارعا قول جەتكىزۋگە مۇمكىندىك بەرەدى.
ءبىرىنشى ساناتتاعى – جاڭادان جۇقتىرعان ادامداردى انىقتاۋ ءۇشىن مەديتسينالىق پەرسونال ادامعا ۆيرۋستىق بولشەكتەردى تابا الاتىن پتر, ياعني پوليمەرازدى تىزبەكتى رەاكتسيانى (PCR – Polymerase Chain Reaction) تەستتەن وتكىزۋ كەرەك. تەست كوروناۆيرۋستىڭ گەندىك تىزبەگىن انىقتايدى, سودان سوڭ وڭاي تابۋعا بولاتىن بىرنەشە كوشىرمە جاسايدى.
بات (Bath University) ۋنيۆەرسيتەتىنىڭ عالىمى ەندريۋ پرەستوننىڭ ايتۋىنشا, تەست ۆيرۋستى انىقتاۋدا وتە ءتيىمدى بولعانىمەن, ونىڭ دۇرىس ناتيجەسى مەديتسينا قىزمەتكەرلەرىنىڭ ناۋقاستاردان, مۇرىن مەن ج ۇلىننان قانشالىقتى جاقسى تەست الۋىنا بايلانىستى.
ايتا كەتەيىك, ۇلىبريتانيا ۇكىمەتى قازىر وكسفورد ۋنيۆەرسيتەتىنىڭ عالىمدارى تەكسەرىستەن وتكىزىپ جاتقان تەستتەردىڭ 3,5 ملن داناسىن ساتىپ الاتىنىن جاريالادى.
