ءبىلىم • 31 ناۋرىز، 2020

قازاقستاندىقتار كارانتين كەزىندە دە اعىلشىن ءتىلىن تەگىن مەڭگەرە الادى

132 رەتكورسەتىلدى

مۇنداي مۇمكىندىكتى ەل تۇرعىندارىنا نۇر-سۇلتان قالاسىنداعى «رۋحاني جاڭعىرۋ» جوبالىق كەڭسەسى ۇسىنىپ وتىر، دەپ حابارلايدى ەلوردا اكىمدىگىنىڭ رەسمي سايتى.

اعىلشىن ءتىلىنىڭ نەگىزدەرىن ۇيرەتۋ ماقساتىندا وتكىزىلەتىن ونلاين كۋرستى بىلىكتىلىگى جوعارى مامان – كريستينا  يايچنيكوۆا  جۇرگىزەدى. ساباق بەرۋشىنىڭ ايتۋىنا قاراعاندا، بۇعان دەيىن ول اعىلشىن ءتىلىن قاشىقتىقتان ۇيرەتۋدەن ءبىراز تاجىريبە جيناپ ۇلگەرگەن.

«مەنىڭ باستى ۇستانىمدارىمنىڭ ءبىرى – «وزىڭە عانا ەمەس، وزگەگە دە جاقسىلىق جاساۋدى ۇمىتپاۋ». مەن وسىعان دەيىن ونلاين رەجيمدە ساباق بەرۋدەن ءبىراز تاجىريبە جينادىم. كارانتين ۋاقىتىندا سول تاجىريبەمەن ءبولىسۋدىڭ ءساتى ءتۇسىپ وتىر. ساباقتى ونلاين رەجيمىندە جۇرگىزۋ بارىسىندا اعىلشىن ءتىلىن از ۋاقىت ىشىندە مەڭگەرۋ تاسىلدەرىن دە ۇيرەتۋگە تىرىسامىن. كۋرستا ءبىز گرامماتيكا نەگىزدەرىن قاراستىراتىن بولامىز. ال جاقسى ناتيجەلەرگە قول جەتكىزۋ ماقساتىندا ءۇي تاپسىرمالارى بەرىلىپ، كەيىنگى ساباقتا قاتىسۋشىلاردىڭ ونى قالاي ورىنداعاندىعىن تەكسەرەمىز»، – دەيدى كريستينا يايچنيكوۆا.

ايتا كەتەيىك، اتالمىش ساباقتار اپتاسىنا ءبىر رەت الەۋمەتتىك جەلىدەگى @ennnglish پاراقشاسىندا جانە You tube كانالىندا (https://www.youtube.com/channel/UCjmxlG0R_ItNkUZLucXZDVA)  تىكەلەي ەفيردە جۇرگىزىلەتىن بولادى.  ءار ساباقتىڭ ۇزاقتىعى: 1 – 1،5 ساعات. 2 ايعا سوزىلاتىن تەگىن كۋرستىڭ العاشقى ساباعى 1 ساۋىرگە بەلگىلەنگەن.

سوڭعى جاڭالىقتار

ۇقساس جاڭالىقتار