ەكونوميكا • 31 ناۋرىز، 2020

1205 ادامعا ساقتاندىرۋ قورىنان تولەمدەر بەرىلدى

154 رەتكورسەتىلدى

توتەنشە جاعداي كەزىندە تابىسىنان ايىرىلعان 1 205 ادام مەملەكەتتىك الەۋمەتتىك ساقتاندىرۋ قورىنان تولەمدەر الدى.

بۇگىن ساعات 18:00-گە دەيىن جاڭا الەۋمەتتىك تولەمدى الۋعا 11115 ادام ءوتىنىش بەرگەن. ونىڭ ىشىندە، نۇر-سۇلتان قالاسىنان – 3885، الماتى قالاسىنان – 3575، شىمكەنت قالاسىنان – 80، اقمولا وبلىسىنان – 121، اقتوبە وبلىسىنان – 206، الماتى وبلىسىنان – 125، اتىراۋ وبلىسىنان – 10،  شقو-دان – 27، جامبىل وبلىسىنان – 237، بقو-دان – 50، قاراعاندى وبلىسىنان – 261، قوستاناي وبلىسىنان – 1772، قىزىلوردا وبلىسىنان– 111، ماڭعىستاۋ وبلىسىنان – 9،  پاۆلودار وبلىسىنان – 481، سقو-دان – 14، تۇركىستان وبلىسىنان 151 ادامعا، جالپى 1205 ازامات اتالعان جاڭا تولەماقىنى الدى.

ايتا كەتەيىك، توتەنشە جاعداي كەزىندە تابىسىنان ايىرىلعاندارعا مەملەكەتتىك الەۋمەتتىك ساقتاندىرۋ قورىنان 42،5 مىڭ تەڭگە تولەماقى بەرىلەتىنى تۋرالى حابارلاعان بولاتىنبىز. ول مىنا ساناتتاعى ازاماتتارعا تاعايىندالادى:

  • ورتا، شاعىن جانە ميكروبيزنەس سۋبەكتىلەرىنىڭ قىزمەتكەرلەرى;
  • جەكە كاسىپكەرلەر (بۇدان ءارى – جك);
  • جەكە پراكتيكامەن اينالىساتىن ادامدار (نوتاريۋس، جەكە سوت ورىنداۋشىسى، ادۆوكات، كاسىبي مەدياتور) (بۇدان ءارى – جپ);
  • بىرىڭعاي جيىنتىق تولەمدى تولەۋشىلەر (بۇدان ءارى – بجت);
  • نىساناسى جۇمىستاردى ورىنداۋ (قىزمەتتەر كورسەتۋ) بولىپ تابىلاتىن ازاماتتىق-قۇقىقتىق سيپاتتاعى شارتتار (بۇدان ءارى – اقس) بويىنشا تابىس تاباتىن ادامدار، سالىق اگەنتتەرى ولار ءۇشىن مىندەتتى زەينەتاقى جارنالارىن اۋدارعان جەكە تۇلعالار كىرەدى.
  • كارانتين ەنگىزىلگەن ەلدى مەكەندەردەگى ءىرى بيزنەس سۋبەكتىلەرىنىڭ قىزمەتكەرلەرى.

الەۋمەتتىك جاردەماقىلاردى تاعايىنداۋ ءۇشىن جۇمىس بەرۋشىلەر وتىنىشپەن قىزمەتكەرلەردىڭ ءتىزىمىن عانا ۇسىنادى; جك، جپ، اقس جانە بجت تولەۋشىلەر جەكە دەرەكتەردى كورسەتە وتىرىپ، تەك ءوتىنىش بەرەدى.

سونداي-اق، قىزمەتكەر جۇمىس بەرۋشىنىڭ ءوتىنىش بەرۋىن كۇتپەي-اق ءوتىنىشتى ءوزى بەرە الادى. بارلىق ءوتىنىش بەرۋشىلەر توتەنشە جاعدايدىڭ ەنگىزىلۋىنە بايلانىستى كىرىستەردى جوعالتۋ فاكتىسىنىڭ دۇرىستىعى ءۇشىن وزىنە جاۋاپكەرشىلىك الادى.

ءوتىنىش «ەلەكتروندىق ۇكىمەت» ۆەب-پورتالىندا «ەلەكتروندىق ءوتىنىش» سەرۆيسى ارقىلى ەلەكتروندىق فورماتتا بەرىلەدى.

الەۋمەتتىك تولەم تاعايىنداۋ ءۇشىن قىزمەتكەردىڭ (جك جانە جپ دەربەس) مەملەكەتتىك الەۋمەتتىك ساقتاندىرۋ قورىنا (اقس ءۇشىن – بجزق-عا جارنالار) سوڭعى 12 ايدا كەمىندە 1 رەت الەۋمەتتىك اۋدارىمدار جاساۋى جەتكىلىكتى بولادى.

ماسق-تان الەۋمەتتىك تولەمدى تاعايىنداۋعا ۇمىتكەر ازاماتتارعا الەۋمەتتىك اۋدارىمدار نەمەسە زەينەتاقى جارنالارىنىڭ بار-جوعىن دالەلدەۋدىڭ قاجەتى جوق، بۇنى اۆتوماتتى تۇردە «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق تەكسەرەدى.

وتىنىمدەردى قاراۋ جانە الەۋمەتتىك تولەمدى تاعايىنداۋ مەرزىمى قىسقارتىلدى، 3 جۇمىس كۇنىن قۇرايدى.

 

سوڭعى جاڭالىقتار

ۇقساس جاڭالىقتار