– قاشىقتان وقىتۋ ورتا ءبىلىم بەرۋ ۇيىمدارىنىڭ تاجىريبەسىندە بۇرىن بولمادى. سوندىقتان دايىندىق جۇمىستارىن جۇرگىزۋ وتە ماڭىزدى بولىپ تۇر. ەرتەڭ, ياعني 1 ساۋىردە ەڭ الدىمەن سىناق-ساباقتار ۇيىمداستىرىلادى. بارلىق مەكتەپتەردەگى مۇعالىمدەرىمىز وقۋشىلارىمەن بايلانىسقا شىعىپ, قاشىقتان سىناق-ساباق بەرەدى. ودان كەيىن بەيسەنبى, ياعني 2 ءساۋىر كۇنى اتا-انالاردىڭ جينالىسى بولادى. اتالعان ماسەلەدە اتا-انالارعا مۇعالىمدەرمەن بىردەي جۇك تۇسەدى. سوندىقتان ولار قاشىقتان وقىتۋدىڭ قالاي جۇرگىزىلەتىنىن, مۇنداي فورماتتاعى ساباقتاردى وتكىزۋدىڭ پروبلەمالارى مەن شەشۋ جولدارىن ءبىلۋى كەرەك, – دەدى ا.ايماعامبەتوۆ. ءمينيستردىڭ مالىمدەۋىنشە, 3 ساۋىردە سىنىپ ساعاتتارى وتكىزىلەدى. مۇندا دا قاشىقتان وقىتۋدىڭ جۇزەگە اسىرۋ فورماتتارى مەن پروبلەمالارى تالقىلانادى.
– وسى ءۇش شارا – 6 ساۋىرگە دايىندىقتى پىسىقتاۋ. سەبەبى بۇرىنعىدان وزگەشە باستالعالى وتىرعان بيىلعى سوڭعى توقسانعا مۇعالىم دە, اتا-انا دا, وقۋشى دا, قۇرىلعى دا – ءبارى ساقاداي ساي بولۋى ءتيىس, – دەدى ۆەدومستۆو باسشىسى.
