قارجى • 31 ناۋرىز، 2020

تاراتىلعان ناۋرىز بانكتىڭ كەپىلدى وتەمدى تولەۋ مەرزىمى اياقتالدى

13 رەتكورسەتىلدى

«ناۋرىز بانك قازاقستان» اق تۇپكىلىكتى تاراتىلۋىنا بايلانىستى، 2020 جىلعى 30 ناۋرىزدا ونىڭ سالىمشىلارىنا كەپىلدىك بەرىلگەن وتەمدى تولەۋ توقتاتىلدى. ەسكە سالامىز، اتالمىش بانكتى تاراتۋ ءراسىمى 2005 جىلدىڭ 2 جەلتوقسانىندا باستالدى. ءدال وسى كۇنى ءتيىستى سوت شەشىمى زاڭدى كۇشىنە ەندى.

دەپوزيتتەرگە مiندەتتi كەپiلدiك بەرۋ تۋرالى زاڭناماعا سايكەس، قازاقستاننىڭ دەپوزيتتەرگە كەپىلدىك بەرۋ قورىنىڭ (قدكبق، قور) سالىمشىلار الدىنداعى مiندەتتەمەلەرi قاتىسۋشى بانكتi ماجبۇرلەپ تاراتۋ تۋرالى مالىمەتتەر بيزنەس-سايكەستەندىرۋ نومىرلەرىنىڭ ۇلتتىق تiزiلiمiنە ەنگiزiلگەن كۇننەن باستاپ بiر جىل وتكەننەن كەيiن، بiراق سوت شەشىمى زاڭدى كۇشىنە ەنگەن كۇننەن باستاپ كەم دەگەندە بەس جىلدان كەيiن توقتاتىلادى. ناۋرىز بانك تۋرالى مالىمەت ۇلتتىق تىزىلىمگە قازاقستان رەسپۋبليكاسى ادىلەت مينيسترلىگىنىڭ 2019 جىلعى 28 ناۋرىزداعى № 1265-ر بۇيرىعىمەن ەنگىزىلدى.

وسىلايشا 2020 جىلعى 30 ناۋرىزدا ناۋرىز بانك سالىمشىلارىنا كەپىلدىك بەرىلگەن وتەمدى تولەۋ بويىنشا قدكبق مىندەتتەمەلەرىنىڭ مەرزىمى تولىعىمەن ءوتتى. بانكتىڭ ءوتىنىش بەرگەن بارلىق 3 639 سالىمشىسىنا جالپى سوماسى 679،5 ملن تەڭگەگە كەپىلدىك بەرىلگەن وتەم تولەندى. 2006 جىلدىڭ 14 ماۋسىمىنان باستاپ «ناۋرىز بانك قازاقستان» اق سالىمشىلارى كەپىلدىك بەرىلگەن وتەمدى الۋ ءۇشىن تىكەلەي قورعا جۇگىنۋ مۇمكىندىگىنە يە بولدى. بۇعان دەيىن اگەنت بانك قىزمەتىن اتقارعان «بانك تۇران الەم» اق سالىمشىلارعا تولەمدى 2005 جىلدىڭ 14 جەلتوقسانىنان بەرى تولەپ كەلدى. 

قازىرگى ۋاقىتتا تاراتىلىپ جاتقان «ۆاليۋت-ترانزيت بانك» اق، «قازينۆەستبانك» اق، «Delta Bank» اق، «استانا بانكى» اق، «Qazaq Banki» اق جانە «ەكسيمبانك قازاقستان» اق سالىمشىلارىنا قدكبق اتىنان جانە قاراجاتى ەسەبىنەن كەپىلدىك بەرىلگەن وتەمدەردى تولەۋ جالعاسىپ جاتىر.

بۇگىندە قور كەپىلدىگى تەڭگەدەگى مەرزىمسىز جانە مەرزىمدى سالىمدار بويىنشا– 10 ميلليون تەڭگەدەن اسپايتىن، جيناق سالىمدار بويىنشا – 15 ميلليون تەڭگەدەن اسپايتىن كولەمدە بەلگىلە­­­نگەن.ەسكە سالا كەتەلىك، تەڭگەلىك دەپوزيتتەر بويىنشا كەپىلدىك بەرىلگەن ەڭ جوعارى سوما بىرنەشە رەت قايتا قارالعان. مىسالى، 2006 جىلى مەملەكەتتىك كەپىلدىك سوماسى 400 مىڭ تەڭگەنى، 2007 جىلى – 700 مىڭ تەڭگەنى قۇرادى. ال 2012 جىلى مەملەكەتتىك كەپىلدىك سوماسى 5 ملن تەڭگەگە دەيىن، 2015 جىلدىڭ ساۋىرىندە 10 ملن تەڭگەگە دەيىن ۇلعايتىلدى. 

 

الماتى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار