ءبارىڭىز بىلەتىندەي, 6 ساۋىردەن باستاپ ورتا ءبىلىم بەرۋ ۇيىمدارى قاشىقتان وقىتۋدى باستايدى. وسىعان وراي مينيسترلىكتە سيتۋاتسيالىق ورتالىق قۇرىلدى.
– اتالعان ورتالىق مەكتەپتەردەگى عانا ەمەس, بۇعان دەيىن قاشىقتان ءبىلىم بەرۋگە كوشكەن كوللەدجدەر مەن جوعارى وقۋ ورىندارىنداعى جاعدايدى كۇن سايىن ءجىتى باقىلاپ وتىرادى. ويتكەنى ءبىز ءۇشىن قاشىقتان وقىتۋدىڭ قالاي جۇرگىزىلگەنى عانا ەمەس, ءبىلىم بەرۋدىڭ ساپاسى دە اسا ماڭىزدى, – دەدى مينيستر.
ا.ايماعامبەتوۆتىڭ ايتۋىنشا, ءار وبلىستىق ءبىلىم باسقارماسى مەن اۋدان, قالالىق ءبىلىم بولىمدەرى جانىندا ادىستەمەلىك كومەك كورسەتەتىن call-ورتالىقتارى جۇمىسىن باستايدى. مينيسترلىكتە دە 14-50 قىسقا ءنومىرى بويىنشا call-ورتالىق بار.
– مينيسترلىكتە قۇرىلعان call-ورتالىق 5 ملن-عا جۋىق ءبىلىم ءالۋشىلارىمىزدىڭ (ستۋدەنتتەر, وقۋشىلار) كوكەيىندەگى تۋىنداعان سۇراقتارىنا جاۋاپ بەرۋدى مىندەتىنە الادى, – دەدى سپيكەر.
