جالعىزىلىكتى قاريالارعا, ۇوس قاتىسۋشىلارى مەن تىل ەڭبەككەرلەرىنە, مۇمكىندىگى شەكتەۋلى بالالارعا ازىق-ت ۇلىك, انتيسەپتيكالىق قۇرالدار, ءدارى-دارمەك پەن مەديتسينالىق بەتپەردە سەكىلدى قاجەتتى زاتتاردى بەرۋ ماقساتىندا جۇرگىزىلگەن قايىرىمدىلىق اكتسياسىنا ورال قالاسىنىڭ ءىرى كاسىپكەرلەرى, ەتنومادەني بىرلەستىكتەردىڭ وكىلدەرى, «جاڭعىرۋ جولى» جاستار قوزعالىسىنىڭ ۆولونتەرلەرى جانە «BIRLIK», «Uralsk Runners» جۇگىرۋ اۋەسقويلارى كلۋبى, «دوستىق» قازاق-ۆايناح كلۋبى قاتىستى.
اتاپ ايتقاندا «بەلەس-اگرو» جشس, جەلاەۆ استىق ونىمدەرى كومبيناتى, «باتىس كۇنباعىس» اكتسيونەرلىك قوعامى, «سۋروۆسكي» دۇكەنى, «ماتەۆوسيان» جشس وزدەرى وندىرەتىن ماكارون, ەت-ءسۇت ونىمدەرىن بەرسە, كەيبىر كاسىپكەرلەر مەديتسينالىق بەتپەردە, پاراتسەتامول, اتسەتيل مەن اسكوربين قىشقىلدارىن تاراتتى. ۇلى وتان سوعىسى ارداگەرلەرىنە مەديتسينالىق ءدارى قوبديشاسى تابىس ەتىلدى.
ءسويتىپ, ورالدا ەكىنشى مارتە ءوتىپ وتىرعان «قايىرىمدىلىق كەرۋەنى» اكتسياسىنا 22 ادام قاتىسىپ, 7 كولىكتەن تۇراتىن كەرۋەنمەن 25 مۇقتاج وتباسىنا الەۋمەتتىك كومەك جەتكىزدى.
باتىس قازاقستان
