قازىر عانا گلازگوداعى «سەلتيك پارك» ستاديونىندا وينالىپ بىتكەن «سەلتيك» - «شاحتەر» ماتچىنان كەيىن ءباسپاسوز ءماسليحاتىندا جۋرناليستەر سۇراقتارىنا جاۋاپ بەرگەن قاراعاندىلىقتاردىڭ باس جاتتىقتىرۋشىسى ۆيكتور كۋمىكوۆتىڭ جاۋاپتارىن نازارلارىڭىزعا ۇسىنامىز. ول وتە قىسقا ايتىلدى.
-ميستەر كۋمىكوۆ, قازىر قانداي سەزىمدى باستان كەشىپ وتىرسىز؟
-جالپى, ءبىز وزىمىزدەن شەبەرلىگى جوعارى كومانداعا ۇتىلدىق. تۇتاستاي العاندا, ونىڭ ءاربىر ويىنشىسى جەكەلەي تۇرعىدا ءبىزدىڭ فۋتبولشىلاردان ارتىق. شىنتۋايتىندا, وسىلاي اياقتالعانى ادىلدىك. بىراق ءبىزدىڭ قوسىمشا ۋاقىتتا عانا جول بەرىپ العانىمىز وتە وكىنىشتى. ءبىز ءبىرىنشى گولدى دا, ءۇشىنشى گولدى دا قوسىمشا ۋاقىتتا وتكىزىپ الدىق. احۋال باسقاشا قالىپتاسقاندا, ءبارى وزگەشە بولار ەدى. وكىنىشتى, بىراق وعان ىستەر ايلامىز جوق. ەندى ەۋروپا ليگاسىندا وينايتىن بولامىز.
-ءسىز ءبىرىنشى رەت مۇمكىندىگى تۋعان چەمپيوندار ليگاسىنىڭ توپتىق كەزەڭىنە وتە الماعاندارىڭىزعا قاپا بولىپ وتىرسىز با؟
-ارينە, ونداي قاپا بولۋشىلىق بار, بىراق, تۇتاستاي العاندا, مۇنى ادىلدىك دەپ ساناۋىمىز كەرەك.
دامير قوجامقۇل.
