الەم • 30 ناۋرىز، 2020

جاڭا تسيفرلى ينفراقۇرىلىمنىڭ كەزى كەلدى

39 رەتكورسەتىلدى

اقش كومپانيالارىنىڭ يننوۆاتسيالارى داعدارىس اياقتالعاننان كەيىن دە پايداعا جارايتىن قۇرالدار جاساۋعا مۇمكىندىك بەرەدى.

تەحنولوگيا كومپانيالارى دا اقش-تاعى بارلىق كاسىپورىندار سياقتى پاندەميامەن كۇرەسكە ۇلەسىن قوسۋعا تىرىسۋدا. ولار ۆيرۋس تۋرالى دەرەكتەر جيناپ، ەسەپتەۋ رەسۋرستارىن ۆاكتسينا تابۋعا باعىتتاپ جاتىر. سونىمەن قاتار ۆيرۋستىڭ تارالۋىن باقىلاپ، مەديتسينانىڭ اسا ماڭىزدى پاندەرىنىڭ ۇيلەستىرۋىن جاقسارتىپ، ونلاين وقىتۋ قۇرالدارىنىڭ جۇمىسىنا جاردەم بەرەدى. Schmidt Futures قايىرىمدىلىق ۇيىمى دا بۇل ىستەرگە اتسالىسۋدا. بۇل جۇمىستار – زاماناۋي تەحنولوگيا يندۋسترياسىنداعى ناتيجەگە نەگىزدەلگەن كاسىپكەرلىكتىڭ كورىنىسى.

دەگەنمەن اقش-تىڭ ءاربىر ازاماتى وزىنە مەملەكەتتىڭ پاندەميادان كەيىنگى بولاشاعى تۋرالى سۇراق قويۋى كەرەك. بۇگىنگى داعدارىس جاعدايى كەزىندە ىسكە قوسىلعان تەحنولوگيالار كەلەشەكتە قانداي پايداعا جااريدى؟

اۋقىمدى دەرەكتەر مەن ءوندىرىستىڭ جاڭا ءادىسىن الايىق. ۇكىمەتتىڭ جەتكىزۋدىڭ قيىن تىزبەگى مەن ماڭىزدى مەديتسينا قۇرىلعىلارىن ۇيلەستىرۋ تۋرالى تۇسىنىگى جوق. كولەمدى دەرەكتەرمەن جۇمىس ىستەيتىن ماماندار دەرەكتەردى باقىلاۋ مەن ۆيزۋاليزاتسيالاۋ ءۇشىن بۇل جەلىلەردى مودەلدەۋدى قولدانۋى كەرەك. بۇل ساياساتكەرلەرگە شەشىم قابىلداۋدا كومەك بولماق. اسكەردە كەڭىنەن قولدانىلاتىن دياگنوستيكالىق تەحنيكالىق قىزمەت كورسەتۋ مەن ءادديتيۆتى تەحنولوگيالاردىڭ دەنساۋلىق ساقتاۋ سالاسىندا دا قولدانىلعانى دۇرىس. كەيبىر اۋرۋحانالار وكپە جەلدەتكىشىنىڭ بولشەكتەرىن جاساۋ ءۇشىن 3D-پرينتەرلەر قولدانىپ ءجۇر. Amazon سياقتى قۇرىلعىلاردى جەتكىزۋدىڭ ءتيىمدى جولدارىن بىلەتىن كومپانيالار ۇكىمەتكە كەڭەس بەرىپ، كومەك كورسەتۋى كەرەك.

سونىمەن قاتار بىزگە قاشىقتان وقىتۋعا كوشۋدى جەدەلدەتۋ كەرەك. ونلاين وقىتۋ وقۋشىلاردىڭ تۇراتىن جەرىنە قاراماستان ەڭ ۇزدىك مۇعالىمدەردەن ءبلىم الۋعا مۇمكىندىك بەرمەك.

قاشىقتان وقىتۋ قۇرالدارىن ءتيىمدى ۇيلەستىرۋدى جولعا قويۋ كەرەك. ءبىلىم الۋشىلاردىڭ كوبىنىڭ ينتەرنەتكە قولى مەكتەپتەر، كوللەدجدەر مەن كاسىپتىك ءبىلىم بەرۋ ينستيتۋتتارى جەتسە ۇتادى. عىلىمي جانە ينجەنەرلىك لابوراتوريالار دا جاس تالانتتاردى بىرىكتىرۋدىڭ جولدارى تۋرالى ويلاۋى كەرەك.

كەڭ كولەمدى تاجىريبە وتكىزۋدىڭ قاجەتتىلىگى دە بيوتەحنولوگيالىق رەۆوليۋتسيانى جەدەلدەتپەك. سينتەتيكالىق بيولوگيا مەن جاساندى ينتەللەكتتى قولداناتىن كومپيۋتەرلىك مودەلدەۋ جاڭا ءدارى-دارمەك جاساپ شىعارۋعا كومەكتەسپەك. كومپانيالار مەن زەرتتەۋ ورتالىقتارى كولەمدى دەرەكتەرمەن جۇمىس ىستەۋ ءۇشىن الگوريتمدەردى پايدالانادى. ول ۇزاق ءارى كوپ ەڭبەكتى تالاپ ەتەتىن كوررەلياتسيانى تابۋعا مۇمكىدىك بەرەدى. تاعامدار مەن ءدارى-دارمەك ساپاسىن باقىلاۋ باسقارماسى سياقتى ۇكىمەتتىك ۇيىمدار جاڭا دارىلەر شىعارۋدى جەدەلدەتۋ قاجەتتىلىگىنە تاپ بولدى. ال قارجىلاندىراتىن اگەنتتىكتەر زەرتتەۋشىلەرگە جاڭالىق اشۋعا جاڭا جەڭىلدىكتەر بەرۋى كەرەك بولدى.   

ەڭ باستىسى، مەملەكەتتە ءتيىمدى تسيفرلى ينفراقۇرىلىم جاساۋ قاجەت. ۇكىمەت بۇلتتىق، ءموبيلدى، جەلىلىك باعدارلاماعا كوشىپ، دەرەكتەردى ستراتەگيالىق اكتيۆ رەتىندە قاراستىرۋدى باستاۋى كەرەك. بۇل قۇرالدار قاجەتتى شارالاردى قولعا الۋدا كەرەك ەكەنى انىق. وعان قوسا اتالعان ينفراقۇرىلىم امەريكالىقتاردىڭ كۇندەلىكتى ومىرىندە دە قاجەت بولادى. ەگەر تەحنولوگياعا نەگىزدەلگەن ء تيىمدى ەكونوميكا مەن ءبىلىم بەرۋ جۇيەسىنە قول جەتكىزگىمىز كەلسە، بىزگە حالىقپەن بايلانىس ورناتقان جىلدام ينفراقۇرىلىم قاجەت. ۇكىمەت ەلىمىزدەگى تسيفرلى ينفراقۇرىلىمدى بۇلتتىق پلاتفورمالارعا اينالدىرۋى ءۇشىن كولەمدى ينۆەستيتسيا قۇيۋى كەرەك.

امەريكا حالقى جاڭاشىلدىق پەن ماسەلەلەردى شەشە الۋىمەن ەرەكشەلەنەدى. ەگەر ستراتەگيالىق تۇردە ينۆەستيتسيا قۇيساق، حالىقتى موبيليزاتسيالاساق، قاجەتتى جوعارى ءومىر ساپاسىن قامتاماسىز ەتەتىن جانە پاندەميا سياقتى زاماننىڭ قيىن ماسەلەلەرىن شەشۋگە كومەكتەسەتىن تسيفرلى ينفراقۇرىلىمعا قول جەتكىزە الامىز.

ەريك شميدت

Google كومپانياسىنىڭ بۇرىنعى باسقارما توراعاسى جانە باس ديرەكتورى

Wall Street Journal

اۋدارعان سۆەتلانا عالىمجانقىزى،

«Egemen Qazaqstan»

سوڭعى جاڭالىقتار

ۇقساس جاڭالىقتار