2020 جىلدىڭ 26 ناۋرىزىندا №9 ۋچاسكەلىك تىرەك پۋنكتىنىڭ ۋچاكەلىك ينسپەكتورى نۇربول قالدى ۇلى تورەقۇلوۆ كورشى اكىمشىلىك ۋچاسكەدە – قۇرساي شاعىناۋدانىندا بولعان جول–كولىك وقيعاسى تۋرالى حابارلاما الدى.
بۇل اكىمشىلىك ۋچاسكەدە ول بۇرىن ءتورت جىلدان استام قىزمەت اتقارعان (2015-2019 جىلداردا), سوندىقتان ول جەردى جاقسى بىلەدى.
جۇرگىزۋشى “Opel-Vektra” ماركالى اۆتوكولىگىن باسقارا وتىرىپ, كامەلەتكە تولماعان جاياۋ جۇرگىنشىنى قاعىپ كەتىپ, وقيعا ورنىنان ءىزىن سۋىتقان. ناتيجەسىندە كامەلەت جاسقا تولماعان جاياۋ جۇرگىنشى قايتىس بولدى. ۋچاسكەلىك ينسپەكتور تەز ارادا اتالعان اۆتوكولىكتى ىزدەستىرۋگە كىرىسىپ, جەدەل-ىزدەستىرۋ ءىس-شارالارىن جۇرگىزۋ بارىسىندا اتالعان جكو-نا قاتىسى بار اۆتوكولىك پەن ونىڭ جۇرگىزۋشىسىن ءىزىن سۋىتپاي انىقتادى.
جايت بويىنشا قر قىلمىستىق كودەكسىنىڭ 345-بابى ء(اۆتوموبيلدى, تروللەيبۋستى, ترامۆايدى نەمەسە باسقا دا مەحانيكالىق كولىك قۇرالىن جۇرگىزۋشى ادامنىڭ جول قوزعالىسى نەمەسە كولىك قۇرالدارىن پايدالانۋ ەرەجەلەرىن بۇزۋى ابايسىزدا ادام ولىمىنە الىپ كەلگەن) جانە 347-بابى (جول-كولىك وقيعاسى بولعان جەردەن كەتىپ قالۋ) بويىنشا سوتقا دەيىنگى تەرگەۋ باستالدى.
اۆتوكولىك ايىپ تۇراعىنا سالىندى. ءىس بويىنشا سوتقا دەيىنگى تەرگەپ-تەكسەرۋ قالا پروكۋراتۋراسىنىڭ باقىلاۋىندا تۇر. قر قپك-ءنىڭ 201-بابىنا سايكەس سوتقا دەيىنگى تەرگەپ-تەكسەرۋ بارىسى جاريا ەتىلمەيدى.
