بۇل باعىتتا اقتوبە وبلىسىندا قايىرىمدىلىق اكتسيالارى تۇراقتى سيپات الىپ كەلەدى. بۇعان ءبىرىنشى كەزەكتە «اتامەكەن» ۇلتتىق كاسىپكەرلەر پالاتاسىنىڭ وڭىرلىك وكىلدەرى مەن «قىزىل اي» قوعامىنىڭ وبلىستىق فيليالى ۇيتقى بولۋدا. ءسويتىپ ولار بۇگىنگى كۇنى مەديتسينا مەدبيكەلەرىنە ىندەتكە قارسى قولدانىلاتىن گەگيەنالىق قۇرال-جابدىقتار جەتىستىرىپ بەرىپ وتىر. ەكىنشى كەزەكتە اتالعان ۇيىم جاناشىرلارى تۇرمىسى تومەن جانە مۇگەدەك بالالاردى تاربيەلەپ وتىرعان وتباسىلارعا, سونداي-اق مۇمكىندىكتەرى شەكتەۋلى ازاماتتارعا ازىق-ت ۇلىك پاكەتتەرىن تاراتىپ ءجۇر. ساۋابى مەن شاپاعاتى مول ىسكە ەرىكتىلەر جانە اقتوبەلىك ىسكەر ايەلدەر كەڭەسىنىڭ مۇشەلەرى دە ءبىر كىسىدەي جۇمىلعان. ولار ارنايى ءتىزىم بويىنشا ازىرلەنگەن زاتتار مەن ازىق-ت ۇلىكتى جوعارىدا اتالعان ساناتقا كىرەتىن جانداردىڭ مەكەن-جيلارىنا جەتكىزىپ بەرۋدە.
-قازىرگى كەزدە پاندەمياعا قارسى باتىل ءىس-قيمىل تانىتۋ قىزمەتىمىزدىڭ باستى ءبىر بولىگىنە اينالدى. سونىڭ ناتيجەسىندە بىزگە الەۋمەتتىك جاي-كۇيىن حابارلايتىن ادامداردىڭ قاتارى كۇننەن-كۇنگە ءوسىپ كەلەدى. ءبىز ولاردىڭ اراسىنان كومەككە شىن مۇقتاجدارىن انىقتاپ, كەزەككە قويامىز. ارينە ولاردىڭ بارىنە ءبىر مەزگىلدە كومەك كورسەتۋ وڭايعا تۇسە بەرمەيدى. سوندىقتان بۇل ءۇشىن كۋپون تارتىپ, كەيبىر باعدارلامالارىمىزدان تۇسكەن قاراجاتتى وسىنداي يگى ىستەرگە اۋدارامىز دەيدى «قىزىل اي» قوعامى فيليالىنىڭ ديرەكتورى نۇرلان ۇدەرباي.
تۇتاستاي العاندا بۇگىنگى كۇنى وبلىس بويىنشا 4500 وتباسىعا الەۋمەتتىك وكمەك كورسەتۋ شارالارى بەلگىلەنگەن.
