عالىم بىرنەشە جىل بۇرىن رعا پوستوۆسك ورال بولىمشەسى اتىنداعى ورگانيكالىق سينتەز ينستيتۋتىندا ۆيرۋسقا قارسى تريازاۆيرين پرەپاراتى قۇرىلعانىن ەسكە سالىپ ءوتتى.
«بىراق بۇگىنگى كۇنى وسى پرەپاراتتىڭ ەرەكشە ينگالياتسيالىق ءتۇرى دايىن, ول تەك رەسپيراتورلىق ۆيرۋستىق ينفەكتسيانى ەمدەۋ ءۇشىن عانا قولدانىلادى. مەن بۇل COVID-19-ينفەكتسياسىن ەمدەۋ ءۇشىن قولايلى بولاتىندىعىنا سەنىمدىمىن. ارينە, بۇل نۇسقا قازىرگى جاعدايدا وتە ماڭىزدى», – چەحونين اتاپ وتكەندەي, بۇل ءدارى مامانداندىرىلعان مەكەمەلەردە سىناقتان وتكىزۋگە دايىن. سونىمەن قاتار, چەحونيننىڭ ايتۋىنشا, ورگانيكالىق سينتەز ينستيتۋتى زەلينسكي اتىنداعى ماسكەۋ ورگانيكالىق حيميا ينستيتۋتىمەن بىرلەسە وتىرىپ, «جەتكىلىكتى ءتيىمدى» جانە رەسەيلىك فارماتسەۆتيكالىق ونەركاسىپ تالاپتارىنا سايكەس كەلەتىن قازىرگى COVID-19 جاتاتىن رنك-ۆيرۋستار دەپ اتالاتىن ينفەكتسيالاردى ەمدەۋ ءۇشىن جاپونيادا بۇرىن قۇرىلعان ۆيرۋسقا قارسى فاۆيپيراۆير پرەپاراتىن سينتەزدەۋ سحەماسىن جاسادى. رعا ۆيتسە-پرەزيدەنتىنىڭ ايتۋىنشا, بۇل پرەپارات سىناقتان وتكىزۋگە دايىن.
تاعى ءبىر پرەپارات, فورتەپرەن بۇرىن گامالەي اتىنداعى ۇلتتىق ەپيدەميولوگيا جانە ميكروبيولوگيا ورتالىعىنىڭ الاڭىندا ورگانيكالىق حيميا ينستيتۋتىمەن بىرگە جانۋارلاردىڭ كوروناۆيرۋستىق ينفەكتسيالارىن ەمدەۋ ءۇشىن قولدانىلاتىن فوسپرەنيل ءدارىسىنىڭ نەگىزىندە جاسالعان. «فورتەپرەنگە كەلەتىن بولساق, ول كلينيكالىق سىناقتىڭ بارلىق كەزەڭدەرىنەن ءوتتى, ياعني ادامداردا دا سىنالدى. فورتەپرەن تىركەلۋ ساتىسىندا تۇر, ودان كەيىن COVID-19-عا قاتىستى ونىڭ بەلسەندىلىگىن تەكسەرۋ ءۇشىن سىناققا بەرىلۋى مۇمكىن», – دەپ اتاپ ءوتتى اگەنتتىك وكىلى. چەحونيننىڭ ايتۋىنشا, بۇل ءۇش پرەپارات ءبىزدىڭ دەنساۋلىق ساقتاۋ مينيسترلىگىمىزدى قىزىقتىردى جانە ولار بۇگىنگى كۇنى عىلىم اكادەمياسى مەن مينبرناۋكي حيميالىق بولىمشەلەرىنىڭ جۇمىسىندا باسىمدىققا يە بولدى.
سونىمەن قاتار, رعا ۆيتسە-پرەزيدەنتى اتاپ وتكەندەي, رەسەيدە عىلىم اكادەمياسى ماماندارىنىڭ قاتىسۋىمەن كوروناۆيرۋس COVID-19 تۋدىراتىن ينفەكتسيادان ءۇش ۆاكتسينا ازىرلەنۋدە. ءنوۆوسىبىر قالاسىنداعى «ۆەكتور» عىلىمي ورتالىعى قۇرعان ۆاكتسينادان باسقا, وسىنداي ۆاكتسينالار ممۋ بيولوگيا فاكۋلتەتىنىڭ بازاسىندا, شەمياكين جانە وۆچيننيكوۆ اتىنداعى بيوورگانيكالىق حيميا ينستيتۋتىندا, سونداي-اق ۆاۆيلوۆ اتىنداعى جالپى گەنەتيكا ينستيتۋتىندا جاسالادى.
دۇنيەجۇزىلىك دەنساۋلىق ساقتاۋ ۇيىمى 11 ناۋرىزدا جاڭا كوروناۆيرۋستى ينفەكتسيانىڭ covid-19 پاندەميا تارالعانىن جاريالادى. ددۇ-نىڭ سوڭعى مالىمەتتەرى بويىنشا, الەمدە 634 مىڭنان استام جۇقتىرۋ وقيعاسى تىركەلگەن, 30 مىڭعا جۋىق ادام كوز جۇمعان. كوVID-19 ناۋقاستارىنىڭ جالپى سانى رەسەيدە 1534-كە جەتتى (ولاردىڭ 1014 — ماسكەۋدە), 64 ساۋىققان, سەگىز ادام قايتىس بولدى.
فەدەرالدىق مەديتسينالىق-بيولوگيالىق اگەنتتىك بۇرىن ءموفلوحيننىڭ بەزگەككە قارسى پرەپاراتى نەگىزىندە كوروناۆيرۋستىق ينفەكتسيانى ەمدەۋگە ارنالعان پرەپاراتتى ۇسىندى.
