كاسىپقوي بوكس • 28 ناۋرىز، 2020

جەكپە-جەك: قايرات احمەتوۆتىڭ قارسىلاسى انىقتالدى

29 رەتكورسەتىلدى

ەرەجەسىز جەكپە-جەكتەن 1 مامىردا سينگاپۋردە وتۋگە ءتيىس One FC تۋرنيرىندە قازاق سپورتشىسى قايرات احمەتوۆتىڭ كىممەن كۇش سىناساتىنى بەلگىلى بولدى.  

كەزىندە گرەك-ريم كۇرەسىندە ءبىرشاما تابىستارعا قول جەتكىزىپ، كەيىننەن ەرەجەسىز جەكپە-جەكتى سەرىك ەتكەن قايراتتىڭ ءجۇرىپ وتكەن جولى جانكۇيەرلەردىڭ كوز الدىندا. سپورتتىڭ بۇل تۇرىندەگى مانسابىن «الاش پرايد» كلۋبىندا باستاعان ول ءبىراز بەلەستەردى باعىندىردى. ەلىمىزدە جانە شەتەلدە وتكەن كوپتەگەن جارىستا جاسىنداي جارقىرادى. ءار جەڭىسىنەن كەيىن «قارا جورعا» بيلەپ، كورەرمەندەردىڭ كوزايىمىنا اينالدى. وسىدان بىرەر جىل بۇرىن قانداسىمىزدىڭ One FC ۇيىمىنىڭ چەمپيوندىق بەلبەۋىن ولجالاعانى دا ەسىمىزدە. جالپى احمەتوۆ كاسىپقويلار اراسىندا 21 كەزدەسۋ وتكىزىپ، 19 قارسىلاسىن قاپى قالدىردى.

قايرات احمەتوۆ سينگاپۋردەگى تۋرنيردە جاپونيالىق دايچي تەناكامەن ءۇش سىناسادى. كۇنشىعىس ەلىنىڭ وكىلى وسى كۇنگە دەيىن 15 كەزدەسۋ وتكىزىپ، 12 رەت جەڭىسكە جەتتى. ەكى رەت ۇتىلىپ، تاعى ءبىر باسەكەدە تەڭ ەسەپ تىركەلدى.

سوڭعى جاڭالىقتار

ۇقساس جاڭالىقتار