اتاپ ايتقاندا وتكەن جىلى وبلىستا تۇراقتاندىرۋ قورىنا مول ءارى جەتكىلىكتى ازىق-ت ۇلىك قورى جاساقتالعانى قازىرگى كەزدە ونىڭ باعاسى نەگىزسىز وسپەۋىنىڭ باستى ءبىر فاكتورى بولىپ وتىر. بۇل ونىمدەر ءار كۇن سايىن وبلىس ورتالىعىنداعى «تابىس» كوممۋنالدىق بازارى مەن وعان قاراستى 22 ساۋدا نۇكتەلەرىنە شىعارىلىپ قولجەتىمدى باعامەن ساتىلۋدا. قازىرگى ۋاقىتتا اتالعان ساۋدا ورىندارىندا كارتوپ پەن پيازدىڭ جانە قىرىق قابات پەن ءسابىزدىڭ ءار كەلىسى 75 تەڭگەدەن ساتىلۋدا. سونىمەن بىرگە كۇنباعىس مايى مەن قانتتىڭ ءار كيلوسى نارىقتىق باعادان قىرىق-ەلۋ تەڭگەگە تومەن. سالىستىرمالى تۇردە العاندا مۇنداي جاعداي قاراپايىم, تۇرمىسى تومەن وتباسىلاردىڭ اتالعان كوكونىس تۇرلەرىن ساتىپ الۋىنا وتە ىڭعايلى ەكەندىگى دالەلدەۋدى قاجەت ەتپەيدى. وزگەسىن ايتپاعاندا كورشىلەس باتىس قازاقستان وبلىسىندا كارتوپتىڭ ءار كەلىسى 140-150 تەڭگەگە دەيىن شارىقتاپ ءوسىپ وتىرعان جاعدايدا اتالعان كوكونىس ءتۇرىنىڭ اقتوبەدەگى وسىنداي مولشەردەگى باعاسى نەبارى 75 تەڭگە عانا ەكەندىگى ءسۇيىنىشتى ءجايت. بۇعان قوسارىمىز اقتوبە قالاسىندا ەت باعاسى وتكەن 2019 جىلدىڭ جەلتوقسان جانە بيىلعى 2020 جىلدىڭ قاڭتار جانە اقپان ايلارىنداعى باعا دەڭگەيىندە ەكەندىگى.
– اتالعان ازىق-ت ۇلىك تۇرلەرىن تۇرعىندار قانداي مولشەردە ساتىپ العىسى كەلسە دە, كوممۋنالدىق بازار مەن ونىڭ بولىمشەلەرىندە بۇعان ەشقانداي شەكتەۋ قويىلمايدى. بۇگىنگى كۇنگە دەيىن تۇراقتاندىرۋ قورىندا ساتىلعان ونىمدەردەن تۇسكەن 240 ميلليون تەڭگەگە تاعى دا فيۋچەرستىك ساتىپ الۋلار جۇرگىزىلۋدە. بۇعان قوسا كۇندەلىكتى تۇتىناتىن ارزان ازىق-ت ۇلىك تاپشىلىعىن بولدىرماۋ ءۇشىن وبلىستىق بيۋدجەتتەن قوسىمشا قاراجات ءبولىندى. بۇعان تاياۋداعى كۇندەردە تاعى دا قاجەتتى ازىق-ت ۇلىك ونىمدەرى ساتىپ الىنادى دەدى گازەت تىلشىسىنە اقتوبە وبلىستىق اۋىل شارۋاشىلىعى باسقارماسىنىڭ باسشىسى قۇسايىن سارسەنباي.
باعانىڭ اتى – باعا. ونىڭ تابيعاتىنا وزگەرىپ, قۇبىلىپ تۇرۋ تابيعاتى ءتان. باعا اياق استىنان نەگىزسىز, جوعارىلاپ كەتسە بۇل ءجايت الەۋمەتتىك كوڭىل-كۇيىنە اسەر ەتپەي قويمايدى. وسىنداي جاعىمسىز ءجايتتى بولدىرماۋ ءۇشىن جەرگىلىكتى اتقارۋشى ورگاندار تاراپىنان الەۋمەتتىك ماڭىزى بار ون توعىز ازىق-ت ۇلىك تۇرلەرىنە كۇن سايىن مونيتورينگتىك زەرتتەۋلەر مەن تەكسەرۋلەر جۇرگىزىلىپ كەلەدى.
باعانىڭ تۇراقتىلىعىن قالىپتى دەڭگەيدە ۇستاۋ, اقتوبە قالاسىنداعى ءىرى جانە شاعىن ساۋدا نۇكتەلەرىندە سانيتارلىق-گيگيەنالىق تالاپتاردىڭ ساقتالۋى جانە دەزينفەكتسيا شارالىرىنىڭ جۇيەلى تۇردە جۇرگىزىلۋى تۇتىنۋشىنىڭ قاۋىپسىز, ءارى ساپالى ءونىم ساتىپ الۋىنىڭ باستى كەپىلى. بۇل ىسكە وبلىستىق جانە قالالىق ماسليحات دەپۋتاتتارى جانە قوعامدىق كەڭەس پەن «اتامەكەن» ۇلتتىق كاسىپكەرلىك پالاتاسىنىڭ مۇشەلەرى جان-جاقتى كوڭىل بولۋدە. ولاردىڭ ورتاق ۇيعارىمى مەن شەشىمى بويىنشا جۇرگىزىلگەن رەيتتەر وڭ ناتيجەلەر بەرۋدى. باعانى نەگىزسىز كوتەرۋگە سەبەپشى بولعاندار پروكۋراتۋرا ورگاندارى تاراپىنان دا ءتيىستى باقىلاۋعا الىنعان.
مىنە, وڭىردە الەۋمەتتىك ءمانى بار ازىق-ت ۇلىك تۇرلەرىن تۇرعىندارعا تۇراقتى تۇردە جەتكىزۋ جونىندە قولعا الىنعان ءىس-شارالاردىڭ كەيبىر مىسالدارى وسىنداي.
اقتوبە
