ماسەلەن, ەرىكتىلەر وزدەرى مەديتسينالىق ماسكالار تىگىپ, ولاردى كوپبالالى وتباسىلاردىڭ مۇشەلەرى مەن زەينەتكەرلەرگە تاراتسا, مۇقتاج ۇيىمدارعا سانيتارلىق-گيگيەنالىق قۇرالداردى تەگىن جەتكىزىپ بەرۋدە. ال, بالالار ۇيىنە ازىق-ت ۇلىك جەتكىزىلىپ, جۋعا قاجەتتى قۇرالدار جانە بالالارعا ارنالعان پامپەرستەر دە تاراتىلدى. سونىمەن قاتار, اتالعان اكتسيانىڭ ۇيىمداستىرۋشىلارى وڭىردەگى دارىگەرلەرگە ءدامدى پالاۋ ۇسىندى.
«وسىنداي قيىن ۋاقىتتا ءبىز بارلىعىمىز بولاشاق ءۇشىن, جاقىندارىمىزدىڭ دەنساۋلىعى ءۇشىن ءبىر-بىرىمىزگە قول ۇشىن بەرە بىلەيىك. اسىرەسە, دارىگەرلەرگە قولداۋ ءبىلدىرۋ اسا ماڭىزدى. ولارعا بۇگىندە بۇكىل ەل سەنىم ارتىپ وتىر. ءبىز ولاردى ماقتان تۇتاتىنىمىزدى, ارقاشاندا قولدايتىنىمىزدى كورسەتۋىمىز كەرەك», دەيدى وبلىستىق كاسىپكەرلەر پالاتاسى ىسكەر ايەلدەر كەڭەسىنىڭ ءتورايىمى ايگۇل اقشالوۆا. ۇيىمداستىرۋشىلار اۋەلى «انا مەن بالا» وبلىستىق وڭالتۋ ورتالىعىندا بولىپ, ودان كەيىن وبلىستىق جەدەل جاردەم مەديتسينالىق ستانتسياسىنا باردى. دارىگەرلەر بەلسەندىلەرگە ىزگى نيەتتەرى مەن سىي-سياپاتتارى ءۇشىن العىس ءبىلدىردى. سونداي-اق, بارشا جامبىلدىقتاردى كوروناۆيرۋستىق ينفەكتسيادان ءوزىن جانە جاقىندارىن قورعاۋ ءۇشىن قاۋىپسىزدىك شارالارىن بارىنشا ساقتاۋعا شاقىردى. ء«بىز سىزدەر ءۇشىن جۇمىس ىستەيمىز, سىزدەر ءبىز ءۇشىن ۇيدە قالىڭىزدار. بارلىق جەرلەستەرىمىزدەن اسا قاجەت بولماسا ۇيدەن شىقپاۋلارىن سۇرانامىز. قولدى ءجيى جۋىپ جانە انتيسەپتيكتى تۇراقتى پايدالانىڭىزدار. جاعداي كۇردەلى, دەگەنمەن دارىگەرلەردىڭ نۇسقاۋلىقتارىن ءجىتى ورىنداساڭىزدار, دەڭدەرىڭىز ساۋ بولادى», دەدى وبلىستىق جەدەل جاردەم مەديتسينالىق ستانتسياسىنىڭ ديسپەتچەرى ناتاليا تۋردىماتوۆا. بۇدان كەيىن اكتسيا ۇيىمداستىرۋشىلارى بايزاق اۋدانى مىرزاتاي اۋىلىنداعى وبلىستىق تۋبەركۋلەزگە قارسى ديسپانسەرىنە بارىپ, وندا ستاتسيوناردا كارانتيندە جاتقان ازاماتتاردىڭ جاعدايىمەن تانىستى. مۇنداعى دارىگەرلەر ەمدەلۋشىلەردىڭ جاعدايىنىڭ ءجىتى باقىلاۋدا ەكەنىن ايتتى. وسىنداي اكتسيالار وبلىستىڭ قورداي, جۋالى جانە مويىنقۇم اۋداندارىندا دا وتۋدە. اۋداندارداعى سانيتارلىق-باقىلاۋ بەكەتتەرىندە ونداعان مەديكتەر مەن پوليتسەيلەر تاۋلىك بويى قىزمەت اتقارۋدا.
جامبىل وبلىسى
