كوروناۆيرۋس • 27 ناۋرىز، 2020

«ۇشاقتا جوتەلىپ وتىرعان ايەلدى كوردىك»: ىندەت جۇقتىرعان بويجەتكەن سۇحبات بەردى (ۆيدەو)

894 رەتكورسەتىلدى

كتك تەلەارناسىنىڭ تىلشىلەرى كوروناۆيرۋس جۇقتىرعان قازاقستاندىق قىزبەن ەكسكليۋزيۆتى سۇحبات جاريالادى دەپ حابارلايدى egemen.kz ءتىلشىسى.

تەلەارنا مالىمەتىنە قاراعاندا، كوروناۆيرۋس جۇقتىرىپ، اۋرۋحانا توسەگىنە تاڭىلعان بىردە-ءبىر ناۋقاس دەرتى جايلى ايتقىسى كەلمەگەن. 

تەك الينا جانۇزاقوۆا عانا كەلىسكەنگە ۇقسايدى. ول الماتىدا كوروناۆيرۋس جۇقتىرعان 48 ادامنىڭ ءبىرى. ءوزىنىڭ ايتۋىنشا، ول بۇل ۆيرۋستى گرۋزيادان بەلارۋس ارقىلى ۇشۋعا ءماجبۇر بولعاندا ۇشاقتا جۇقتىرىپ العان بولۋى مۇمكىن.

ء«بىز ۇشاقتا جوتەلىپ، اۋىرىپ وتىرعان ايەلدى كوردىك. بىراق ول ايەلدە دياگنوز راستالدى ما، جوق پا - بىلمەيمىن. ءبىز ۇشىپ كەلگەن مينسك-الماتى رەيسىندە ەكى ناۋقاس بولدى. قۇربىمىز ەكەۋمىز ۇشىپ كەلدىك، سوسىن ءبىر تاكسيگە وتىردىق. ۆيرۋس جۇقتىرىپ قالعان بولساق، وزگەلەردى دە جۇقتىرمايىق دەپ بىرگە كەلدىك. ۇيدەن شىقپاي وتىردىم» دەيدى الينا.

العاشقىدا دارىگەرلەر وزدەرى حابارلاساتىن شىعار دەپ ويلاعان. الايدا وعان دەيىن ۆيرۋستىڭ العاشقى بەلگىلەرى پايدا بولا باستاعان ەكەن.

«باستاپقىدا تاماعىم جىبىرلادى، - دەيدى ول. - قۇرعاق جوتەل بولدى، ىشىمدە، وكپەمدە بىردەڭە كۇيىپ جاتقانداي بولدى. دەنە قىزۋىم كوتەرىلگەن جوق، قازىر دە دەنە قىزۋىم قالىپتى - 35،8. ەش وزگەرمەيدى. سودان تۇنگى ەكىدە ماعان كوروناۆيرۋس انىقتالعانىن حابارلادى».

ەكى كۇننەن سوڭ جوتەل مەن تاماقتىڭ اۋىرعانى باسىلعان. بۇگىندە بويجەتكەننىڭ دەنساۋلىعى دۇرىستالعان. ۆيرۋسقا قارسى دارىلەر قابىلداپ جاتىر. دەسە دە الينا ىندەتتى باسقا بىرەۋلەرگە دە جۇقتىرىپ العان جوقپىن با دەپ قاۋىپتەنىپ وتىر ەكەن.

«مەن جاتقان پالاتادا ەكى ادام بولدى. ولار دا ۆيرۋس جۇقتىردى، سەبەبى ءبىز بەس كۇن ءبىر پالاتادا جاتتىق. ول قىزدار اۋرۋحانادان شىعارىلدى، بىراق ولاردى قايتا جاتقىزاتىن شىعار. كەيىن مەنى باسقا ءبىر پالاتاعا اۋىستىردى. ول جاقتا 3-4 ادام جاتتى» دەيدى الينا جانۇزاقوۆا.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار